POP 5

Lajmet më të lexuara të 5 minutave të fundit

Sport

Sllovakia U-21 mposht 4-1 Shpresën, Shqipëria e parafundit

Pas humbjes në “Selman Stërmasi”, kombëtarja shqiptare e 21-vjeçarëve që drejtohet nga Alban Bushi, ka humbur edhe në kthim me Sllovakinë. Vendasit kanë fituar 4-1, me nga 2 gola të shënuar për secilën pjesë.
Sllovakia U-21 mposht 4-1 Shpresën, Shqipëria e parafundit

Ekipi kombëtar U-21 duke kënduar himnin në ndeshjen me Sllovakinë

Pas humbjes në “Selman Stërmasi”, kombëtarja shqiptare e 21-vjeçarëve që drejtohet nga Alban Bushi, ka humbur edhe në kthim me Sllovakinë. Vendasit kanë fituar 4-1, me nga 2 gola të shënuar për secilën pjesë.

Golin e vetëm për ekipin Shpresa e shënoi Manaj, që nuk fal ku i jepet mundësia. Ai shënoi në mesin e pjesës së dytë, kur rezultati ishte 2-0 për Sllovakinë. Goli i gjashtë me Kombëtaren U-21 për talentin e Interit, që luan i huazuar me Granadën në ligën e dytë të kampionatit spanjoll. Por mundësitë për të marrë të paktën një pikë, shuhen shpejt, sepse vendasit shënojnë edhe 2 gola njëri pas tjetrit.

Merr fund kështu çdo lloj shprese për të kapur vendin e dytë, që të çonte në play-off të Europianit 2019. Kur mbeten edhe 3 ndeshje eliminatore, Shqipëria U-21 renditet në vendin e parafundit me 6 pikë.

Shumë pak shanse për të rikuperuar edhe një pozicion, pasi përveçse kuqezinjtë 21-vjeçarë kanë një ndeshje më shumë, në sfidën e radhës do të përballen në transfertë me Spanjën, që është jo vetëm favoritja e grupit, por edhe pretendenti për të fituar Europianin vitin e ardhshëm.

Ndeshja me spanjollët do të luhet më 6 shtator. Ndërsa Sllovakia merr vendin e dytë në grup, atë që ëndërronte ekipin ynë Shpresa.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • labi: 27/03/2018 20:34

    kjo eshte kambana e largimit te pseudo trajnerit alban bushi! u21 eshte ne super rezik me te till si alban bushi pa prespektive!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça