Pas sanitares Tire Alldervishi që punonte në spitalin Covid 2 e cila zhvati nga paratë vajzën e një pacienteje me koronavirus, emisioni Stop në Tv Klan sjell sonte një tjetër rast abuzimi.
Bëhet fjalë për një skandal në sistemin shëndetësor, kësaj radhe në Spitalin Infektiv ose në spitalin Covid 1. Një qytetar, djali i një 58-vjeçari, ka denoncuar se babait të tij, i cili ishte i shtruar në spitalin Covid 1 pasi ishte infektuar me koronavirus, i kanë vjedhur paratë që kishte në portofol.
Sipas denoncimit të tij, babai iu shtrua në spital më 22 Dhjetor 2020 dhe humbi jetën më 27 Dhjetor 2020. Djali thotë se para se të shtronte të atin në spital, i kishte dhënë portofolin me 202 mijë Lekë të vjetra, brenda së cilës ndodhej edhe karta e bankomatit së bashku me kodin pin. Por dy ditë përpara se babai të humbiste jetën, denoncuesi tregon se nga bankmati ishin tërhequr para me kartën e bankës që kishte lënë në portofolin e të atit.
Bëhet fjalë për datën 25 Dhjetor, kohë që përkon me ditën kur babai i denoncuesit ishte futur në intubim pasi gjendja e tij shëndetësore ishte përkeqësuar. Dy ditë pas këtij veprimi, më 27 Dhjetor babai i tij ndërroi jetë për shkak të Covid-19. Punonjësit e spitalit Covid 2 i kthyen denoncuesit sendet personale të babait.
Ai vuri re se brenda portofolit mungonin 200 mijë Lekë të vjetra, por kishin mbetur vetëm 2 mijë Lekë të vjetra. Edhe karta e bankës së bashku me shënimin për kodin pin mungonte. Djali thotë se ka vënë në dijeni edhe infermieren, me të cilën fliste për shëndetin e të atit, por ajo ka refuzuar ta denoncojë këtë akt.
Denoncuesi: “I jam drejtuar emisionit Stop për një skandal që ka ndodhur tek QSUT, tek Infektiv 1. Më datë 22 është shtruar, në datë 23 unë kam folur me babain dhe tha jam mirë. Më datë 24 e ditët në vazhdim unë me babain nuk kam folur më, ja kanë marrë telefonin dhe nuk kam patur asnjë kontakt me babain. Dhe më datë 27 ka ndërruar jetë. Dhe erdhi funerali te shtëpia, bëmë adetin, pritëm e përcollëm njerëz, hapa gjërat personale të babait dhe aty shoh që në portofol mungonte karta e bankës dhe 200 mijë Lekë të vjetra që ka pasur në portofol. Unë ia kam vendosur babait tim 200 mijë Lekë në portofol dhe kur e kam hapur portofolin për të vendosur lekë, kam parë dhe kartën e bankës aty, por nga stresi që kisha nuk kam guxuar ta heq. Por kur humbi jetën, kam kontrolluar portofolin dhe shoh 2 mijë Lekë të vjetra dhe kartën e bankës dhe kodin që nuk ishte aty. Sendet e tjera, kartë identiteti dhe patenta aty ishin. Karta e bankës dhe passëord nuk ishin aty. Nuk më intereson sa lekë është vjedhur, mua më intereson gjesti që është bërë. Doktori, infermieri, pastruesja apo ku e di unë kush ka qenë aty, personali i spitalit… Kam marrë doktoreshën dhe i kam thënë i ka humbur babait karta e bankës dhe më ka thënë nuk është e drejta ime, mos m’i bjer më telefonit se po bëj shopping (pazar). Nuk është problemi im pse ia kanë vjedhur babait tënd kartën e bankës. Unë jam infermiere dhe kaq dhe ma ka fikur telefonin”.
Gazetari i emisionit Stop, Genci Angjellari, ka investiguar rreth kësaj çështje dhe ka zbuluar se më datën 25 Dhjetor 2020, pra ditën kur pacienti ishte futur në intubim, nga një bankomat ishin bërë 3 tërheqje, nga 200 mijë Lekë të vjetra çdo herë, në total 600 mijë Lekë. Madje, punonjësi i spitalit Covid 1 që ka marrë kartën e bankës së pacientit që humbi jetën nga virusi, ka tentuar të tërheqë para edhe nga një bankomat Credins Bank në qytetin e Durrësit, por veprimi nuk është autorizuar. Pra në total, viktimës i kanë vjedhur 800 mijë Lekë të vjetra nga portofoli dhe nga bankomati.
Djali i viktimës thotë se babai i tij është grabitur brenda spitalit. Ai shprehet se ka bërë denoncim në polici dy javë më parë, por deri më tani nuk ka marrë asnjë përgjigje.
Denoncuesi: “Te policia kam bërë denoncim dhe më kanë thënë do e kemi parasysh, po s’e kur do zgjidhet nuk e di. Prandaj i jam drejtuar emisionit Stop, që ta bëj publike dhe të gjendet personi”.
Në mungesë të një hetimi nga ana e autoriteteve, Stop investigoi dhe zbuloi se 3 tërheqjet e parave janë bërë në orën 08:00 të mëngjesit të datës 25 Dhjetor 2020 nga një bankomat Raiffeisen që ndodhet pranë QSUT-së përballë Universitetit të Mjekësisë./Klan Tv
Komente
Lajme të tjera
-
Qeverisje me duar jo edhe aq të pastra në Kosovë
21 Dhjetor, 16:04
-
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
Zbardhet dokumenti negociues Shqipëri-BE! Detyrat që lë Bashkimi Europian: Dënoni korrupsionin e niveleve të larta e sekuestroni asetet e krimit
7 Dhjetor, 14:29
-
Lufta ndaj korrupsionit e krimit/ Dumani: SPAK sekuestroi 150 mln € asete! Prokurorëve t’u jepet mundësia e rikandidimit! Rrisni pragun monetar, të hetojmë vetëm çështje të vështira
2 Dhjetor, 15:29 -
Monitoruesit e Këshillit të Europës në Tiranë, Spiropali: Dalja nga monitorimi, rezultat i reformave! Balla: Prioritet lufta kundër korrupsionit dhe krimit të organizuar
2 Dhjetor, 10:49 -
Komisioni Antikorrupsion në ‘lupë’ edhe problemet me pronat! Gogu për Report TV: Dixhitalizim! S’ka nevojë për ndryshime ligjore
1 Dhjetor, 14:05
-
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Report Tv siguron Progres raportin e BE për Shqipërinë: Mbështesim objektivin e qeverisë për mbylljen e negociatave të anëtarësimit deri në 2027! Përparim në luftën kundër korrupsionit
30 Tetor, 12:30 -
Ngacmoi seksualisht pacienten, arrestohet mjeku radiolog në spitalin ‘Shefqet Ndroqi’
23 Tetor, 13:32 -
Kryepolici Proda takon kreun e SPAK, Dumani: Bashkëpunimi ynë në stad tjetër, rrisim besueshmërisë mes palëve! Luftë krimit të organizuar dhe korrupsionit
22 Tetor, 10:35
Ore ai qe e ka bere kete pune te ndyre patjeter qe duhet te jape llogari e te denohet. Por nje gje nuk kuptoj me familjaret..?! Per cfare arsye i duhen leket atij aty brenda ne spital?! Ja e supozojme se iu dashkan ca leke t'ua jape mjekeve apo infermiereve ( gje koti sepse u japin familjaret jashte ). Po bankomati per cfare i duhet ne spital? Pse duhet ta mbaje me vete?!
PërgjigjuAty mrena eshte horror, asnji se di ca ndodh me nene ose baben kur e co aty mrena, vetem zoti e di,
PërgjigjuPolicia te vendose kamera ne cdo dhome dhe ne c'do korridor te spitaleve covid,,,sepse mjeket dhe infermieret bejne qejf aty sepse nuk ka kontroll nga familiaret,,,dh keta kamera ti kontrolloje policia sa here dalin probleme si keto......policia per keto pune eshte...
PërgjigjuBankomatet kane telekamera.Te shikohen rregjistrimet e kamerave.
PërgjigjuRast i izoluar do jete, siç tha naltmadhenia per rastin e Tires te Shefqet Ndroqi. Se nuk ka mundesi te ndodhin kaq shpesh. Ore akoma nuk e keni kuptuar apo beni sikur nuk e kuptoni... Ne Shqiperi eshte sistem hajdutlleku dhe zhvatja. Nese nuk vjedh je i papune, nese nuk i ndan vjedhjet qe ben, te shkarkojne per performance te ulet. Megjjthese ca lodhem kot, duhet nje roman per te shprehur gjjthe poshtersite qe ekzistojne ne ate vend te mjere...
PërgjigjuCfar bohet kshu se po na hutoni. Jo për nai gjo por ndajeni mendjen, kto bluzat e bardha janë heroj sic keni thonë kto muajt e fundit apo janë hajdutë të pashpirt sic kemi pa për 30 vjet?
PërgjigjuTradite shqiptare vjedhja,por tani te vjedhin edhe kur ke vdekur.Arritje ne saje te teknollogjis.Turp.Katunaret dhe maloket me profesion infermier/e kane pushtuar spitalet e Tiranes.Injorance dhe njerez primitiv, qe kur i sheh,lere pastaj kur flasin.
PërgjigjuGjejini dhe thyejani koken kush e ka bere.Nuk eshte problemi i 800 mije lekeve,eshte veprim mostrash,njeres pa asnje ndjenje njerezore,qelbesira.Keta jane heronjete me bluza te bardha? Jo,keta jane vampire.
PërgjigjuO Policia, po mos ia fusni gjumit se nuk do shume mund kjo pune. Shko te banka, merr kamerat dhe zbulo kush ka bere terheqjet. Policia qe do donim...
Përgjigjubankat kane kamera dhe eshte lehte ta kapesh ate person,por puna eshte se aty jane te gjithe hajduta,rreziku atyre qe shkojne ne ate vend se edhe unazat qe kane ne gisht ti vjedhin jo parate apo karta banket,me mire te vdesesh ne shtepi se atje je i vjedhur edhe i vdekur
Përgjigju