Mesfushori i kombëtares holandeze, Uesli Shnajder ka bërë të ditur se objektivi kryesor i ‘Tulipanëve’ në Euro 2012 do të jetë titulli i kampionit. Shnajder mendon se kombëtarja e tij ka gjithçka çfarë i nevojitet për të triumfuar në Poloni e Ukrainë, pasi dy vite më parë u mposhtën në finale të Kupës së Botës nga Spanja.

“Ndryshimet që ka bërë trajneri ynë Bert Van Marvijk në stilin tonë të lojës që nga ardhja në krye të kombëtares janë të dukshme dhe ato janë dëshmuar të suksesshme”, ka thënë Shnajder, për të shtuar:

“Tani objektivi ynë është së paku arritja në finale, megjithëse qëllimi kryesor është fitimi i trofeut”. Portokallinjtë janë në grup me Danimarkën, Gjermaninë dhe Portugalinë.(rb/shqiptarja.com)