Sonda e NASA-s nis udhëtimin drejt Diellit

Sonda e NASA-s nis udhëtimin drejt Diellit

Sonda “Parker” duke u lëshuar në qiell

NASA-s filloi misionin e saj historik drejt Diellit. Sonda “Parker” u lëshua të dielën në mëngjes nga Cape Canaveral, në shtetin e Floridës. Objektivi i saj është udhëtimi drejt atmosferës së Diellit, duke u afruar më pranë tij se sa çdo mjettjetër hapësinor. Sonda ka përmasat e një makine të vogël, ka një peshë prej rreth 635 kilogramësh dhe do të arrijë një shpejtësi lëvizjeje deri në 692 mijë kilometra në orë, duke u bërë kështu mjeti kozmik më i shpejtë në histori.

NASA ka dashur prej dekadash të dërgojë një sondë drejt kurorës së Diellit, por nuk ka patur teknologjinë e duhur për mbrojtjen e mjetit kozmik nga nxehtësia diellore. Sonda “Parker” është misioni i parë i NASA-s që merr emrin e një personi të gjallë.

( Astrofizikani Eugene Parker me shkencëtarët e Universitetit "Johns Hopkins" )

Dr. Eugene Parker është fizikani që u mor me studimin e Diellit. Në vitin 1958 ai parashikoi ekzistencën e erërave diellore. Udhëtimi i sondës përgjatë kurorës së Diellit do të bëjë të mundur vëzhgimin e përshpejtimit të erërave diellore, të zbuluara nga zoti Parker./VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet