Shumica e francezëve janë kundër anëtarësimit të vendeve të Ballkanit Perëndimor në BE. Një sondazh i fundit ka zbuluar se pjesë më e madhe e opinionit publik mendojnë se anëtarësimi i Shqipërisë, Kosovës, Maqedonisë së Veriut, Serbisë, apo Bosnjës do të ndikonte negativisht në jetën e tyre. Studimi është realizuar nga Instituti i Politikave Europiane të Shoqërisë së Hapur.
Studimi zbuloi se mosmiratimi i zgjerimit të Bashkimit Europian në Ballkanin Perëndimor nga opinioni publik francez lidhet më shumë me vlerësimet e përgjithshme të gjendjes së BE-së, ndjenjën e kontrollit politik dhe në një farë mase me qëndrimet ndaj eksperiencave të mëparshme të zgjerimit të BE-së, sesa me vendet e Ballkanin Perëndimor.
Srđan Cvijić, anëtar i Grupit Këshillues të Politikave të Ballkanit në Evropë (BiEPAG) dhe një nga autorët e studimit tha se duke pasur parasysh se kundërshtimi i anëtarësimit të Ballkanit Perëndimor është një manifestim i zhgënjimit me BE në mesin e shumicës dërrmuese të francezëve.
“Thelbi i problemit nuk është tek vendet kandidate nga Ballkani, por kjo çështje është politikisht e rëndësishme për francezët. Ajo që është e nevojshme është që politikanët francezë të punojnë në rindërtimin e besimit tek BE-ja”, tha Cvijić.
Ai shtoi se Ballkani Perëndimor, natyrisht, mund dhe duhet të jetë pjesë e këtij procesi më të gjerë politik të rikthimit të besimit në BE.
Studimi zbuloi se tre në katër persona në Francë besojnë se Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia nuk janë ende gati për t’u anëtarësuar në BE.
“Megjithatë, frika se qeveria franceze mund të penalizohet nga elektorati për të ecur përpara me zgjerimin nuk gjen një bazë në këtë hulumtim pasi shumicë e të anketuarve thonë se nuk do ta penalizonin qeverinë për këtë çështje,” thekson studimi.
“Ai tregon se mbështetja franceze për përparimin e vendeve të Ballkanit Perëndimor drejt anëtarësimit në BE nuk do të kishte asnjë pasojë për politikën zgjedhore në Francë. Nëse marrim si shembull hapjen e kapitujve të parë me Maqedoninë e Veriut dhe Shqipërinë, nëse kjo ndodh dhe Franca nuk e kundërshton hapjen, apo edhe e mbështet hapur, një vendim i tillë, nuk do të kishte efekt në zgjedhjet presidenciale të planifikuara për në prill të vitit 2022 “, nënvizon Cvijić.
Më raport theksohet se kur bëhet fjalë për zgjerimin e BE, Franca nuk është i vetmi vend me një publik skeptik, por është një nga vendet me normat më të larta të mosmiratimit të zgjerimit.
“Pjesëmarrësit e hulumtimit thonë pabarazitë ekonomike në union, emigrimin e mundshëm dhe problemet me stabilitetin demokratik të vendeve në Ballkanin Perëndimor janë ndër arsyet pse janë skeptikë ndaj zgjerimit ”, thuhet në raport. “Në veçanti, humbja e vendeve të punës në Francë ishte një shqetësim i madh dhe shpesh personal, që lidhen drejtpërdrejt me shqetësimet për situatën financiare të pjesëmarrësve”.(SI)
Komente
Lajme të tjera
-
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Bregu: SEPA në Ballkan, një hap i madh drejt BE
22 Nëntor, 09:25 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
'1000 ditë luftë', Ministria e Jashtme: Shqipëria qëndron në solidaritet me Ukrainën
19 Nëntor, 13:27 -
VIDEO/ Tension në Paris, përplasje mes tifozëve të Francës dhe Izraelit
15 Nëntor, 08:59 -
Java kulturore meksikane/ Inagurohet skulptura Alebrije ‘Fëmija Monarka’, simbol i miqësisë mes dy vendeve
14 Nëntor, 14:42
-
Francë/ Prokuroria në Paris kërkon dënimin me 5 vjet burg dhe 300 mijë euro gjobë për Marine Le Pen
14 Nëntor, 14:23 -
Liga e Kombeve/ Parisi 'blindohet' me 4 mijë policë, luhet Francë - Izrael! Në stadium dhe Macron, sot edhe Italia e Anglia
14 Nëntor, 10:05 -
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
Ky eshte nje opinjon por po te pyesesh edhe njerezit ne Ballkan e dine mire qe Franca eshte kundra Ballkanit perjashto Serbine. Por BE eshte e deshtuar dhe kurre nuk do te bashkohet, vetem nga Gjermania varet po u shkeput dhe kjo si Anglia BE shkaterohet.
PërgjigjuNuk iken gjermania nga BE sepse me teper po perfiton sesa po humbet.