POP 5

Lajmet më të lexuara të 5 minutave të fundit

Sonte akti i kthimit, Kloop: Në Spanjë s'do jetë shëtitje! Trajneri i Villareal: Përmbysja? Në fushën tonë asgjë s'është e pamundur

90 minuta e ndajnë Liverpool nga finalja e Champions League, por sonte Vijareal do tentojë të përmbysë anglezët për ëndrrën e madhe edhe pse duket e pamundur. Trajneri i spanjollëve Emery thotë se me mbështetjen e tifozëve asgjë nuk është e pamundur.

Liverpool është një hap larg kualifikimit në finalen e Champions League. Skuadra e drejtuar nga Kloop do luajë sonte gjysmëfinalen e kthimit në Spanjë kundër Villareal, por me vete ka sigurinë e fitores 2-0 në ndeshjen e parë të zhvilluar në ‘Anfield’.

Në prag të takimit trajneri gjerman i Liverpool ka bërë thirrje për kujdes, pasi sipas tij ‘në futboll asgjë nuk merret si e mirqenë’. Ai ka shtuar se Liverpool ‘është një skuadër e jashtëzakonshme, por nëse Villareal shkon në finale atëherë do ti urojmë ata’.

Kloop e ka pothuajse grupin e plotë sonte në orën 21:00, por i vetmi në pikëpyetje është Firminho për shkak dëmtimi, i cili gjithsesi nuk është parashikuar të niste nga fillimi. Ndërkohë me mungesa është Villareal, që ka të padisponueshëm Albert Morenon, ndërsa me dyshime janë Gerard Moreno, Coquelin dhe Mino.

Gjithsesi këto detaje nuk i pengojnë spanjollët të ëndërrojnë. Trajneri Emery është shprehur se ‘vendimtar në ndeshjen e parë ishin tifozët dhe për të përmbysur një rezultat të tillë duhet patjetër të kemi mbështetjen e publikut’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 16- vjeçarja vetplagoset me armë zjarri, ende nuk dihet shkaku

Fier/ 16- vjeçarja vetplagoset me armë zjarri, ende nuk dihet shkaku

4 Nëntor, 18:59