POP 5

Lajmet më të lexuara të 5 minutave të fundit

Sport

Sonte derbi Inter-Milan/ Në lojë gjysmëfinalja e Kupës, skuadrat me motive të ndryshme por qëllim të njëjtë (VIDEO)

Inter-Milan është derbi i Kupës së Italisë që do të vendosë sonte skuadrën që do kualifikohet në gjysmëfinale. Të dy ekipet kanë motive të ndryshme për t’ia dalë, por qëllim të njëjtë, ndërsa priten disa ndryshime në formacion.

Kupa e Italisë rezervon sonte superpërballjen Inter-Milan, e cila do të jetë e vlefshme për fazën çerekfinale. Derbi është caktuar të nisë në 20:45, ndërsa vlen shumë për secilën skuadër.

Interi vjen pas barazimit me Udinese-n dhe kundër Milanit duhet të tregojë vetën, në një kohë kur ‘djalli’ e mposhti në ndeshjen e parë të këtij sezoni 2-1 për Seria A. Për zikaltërit përveçse hakmarrje është edhe objektiv për t’u arritur, pasi eliminimi nga Champions League nuk të jep luksin e një tjetër dështimi.

Sakaq edhe te Milan situata nuk është më e mira. ‘Djalli’ duhet të konfirmohet pas humbjes me Atalanta-n dhe derbi është ilaçi më i mirë. Për këtë ndeshje teke Pioli nuk do të ketë të disponueshëm Calhanoglu dhe Benaccer, ndërsa Donnarumma është i skualifikuar. Nga minuta e parë pritet Ibra, ndërsa vendin e Kalabrisë do të marë Dalot.

Te Interi Conte do të ulë në stol Martinez për të aktivizuar Sanchez, që do të përbëjë dyshen e sulmit me Lukaku-n. Më tej është vendosur pushim për Young dhe Hakimin, vendet e të cilëve do t’i zënë Perisic dhe Darmian. Një ndryshim edhe në repartin e mbrojtjes, atje ku Kularov do të startojë në vendin e Bastonit.

 Përpara derbit të dy trajnerët kanë vlerësuar rivalin, duke lënë të kuptohet se kjo është rruga më e vështirë për të fituar Kupën. Skuadra që do kualifikohet shkon në gjysmëfinale, i vemti tur i Kupës së Italisë me sistem vajtje-ardhje.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi