POP 5

Lajmet më të lexuara të 5 minutave të fundit

Sport

Sonte finalja e Champions, PSG sfidon Bayern Mynih, Flick tregon recetën e fitores, Tuchel: Jam këtu për kupën (VIDEO)

Sonte përcaktohet “Mbreti” i ri i Europës në futboll. Luhet finalja e Champions League ku PSG sfidon Bayern Mynih. Francezët duan triumfin e parë historik në Champions ndërsa bavarezët kupën e gjashtë. Skuadrat janë gati dhe do të “luftojnë” vetëm për fitore.

Champions Leaguen do e fitojë për herë të parë PSG apo për herë të gjashtë Bayern Mynih. Dita e madhe erdhi dhe sonte duke nisur nga ora 21:00 në Lisbonë luhet finalja e madhe e Champions ku do të mësohet  ekipi që do ngjitet në majën e futbollit evropian. PSG-ja sfidon Bayernin e Mynihut dhe francezët janë gati.

Trajneri Thomas Tuchel ka deklaruar në vigjilje të finales:” Jemi këtu për ta luajtur dhe fituar finalen.Kjo është ndeshja më e rëndësishme në karrierë për mua”.  Rikuperohet Keylor Navas që do mbrojë portën dhe të vetmen dilemë Tuchel ka që Verrati të luajë titullar apo ta nisë nga stoli. Ekipi u stërvit në “Da Luz” aty ku do luhet edhe ndeshja dhe Neymar-Mbappe me shokë janë gati.

Nëse për PSG-në kjo e sotmja është finalja e parë në histori Bayern Mynih është mësuar me të tilla pasi deri më tani ka luajtur plot 10-të nga të cilat 5 i ka fituar dhe po aq i ka humbur.  Trajneri i bavarezëve Hansi Flick thotë se francezët janë një skuadër e madhe dhe sqaron:” Kanë lojtarë të shpejtë dhe ne do e organizojmë mirë mbrojtjen. Ne e dimë forcën tonë dhe do t’i vëmë kundërshtarët nën presion”.

Ekipi që fiton nuk ndryshohet por gjithsesi Flick e ka një dilemë. Mbrojtësi Pavard është gati dhe luan për një vend në formacion me Thiagon. Nëse Pavard luan në krahun e djathtë të mbrojtjes atëherë Kimich zhvendoset në mesfushë. PSG dhe Bayern janë përballur tetë hera me njëra-tjetër në grupet e Champions dhe francezët kanë fituar 5 ndeshje e bavarezët 3. Drejtësi do të vendosë italiani Daniele Orstao. Sonte e gjithë bota është sy e veshë në Lisbonë. Përcaktohet “Mbreti” i ri i Europës./ Përgatiti Andi Kapxhiu

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rama njoftoi se do e mbyllë, të famshmit shqiptarë të TikTok-ut gjejnë zgjidhjen tek një tjetër aplikacion

Rama njoftoi se do e mbyllë, të famshmit shqiptarë të TikTok-ut gjejnë zgjidhjen tek një tjetër aplikacion

26 Dhjetor, 13:08