POP 5

Lajmet më të lexuara të 5 minutave të fundit

Sport

Sonte finalja e Kupës/ Kukësi i rënë do Europën dhe mijëra euro, presidenti i Egnatias: Verilindorët luajnë për ‘jetë a vdekje’

Në prag të finales së Kupës së Shqipërisë kundër Kukësit presidenti i Egnatias i druhet faktit se verilindorët këtë përballje e kanë jetë a vdekje. Nëse Kukësi ia del, do fitojë të paktën 375 mijë euro

Sonte finalja e Kupës/ Kukësi i rënë do Europën dhe mijëra euro, presidenti i Egnatias: Verilindorët luajnë për ‘jetë a vdekje’

Trofeu i Kupës dhe presidenti i Egnatias Agim Demrozi

Egnatia do provojë sonte në orën 19:00 në Air Albania, të fitojë për të dytin sezon me rradhë Kupën e Shqipërisë, pasi luan finalen kundër Kukësit.

“Skuadra e Kukësit është shumë e mirë sepse në javët e fundit kanë treguar futboll të mirë. Është ndeshja e fundit dhe nuk kanë çfarë humbin,”-u shpreh Agim Demrozi, president i Egnatias.

Të dy klubet kanë premtuar premio për futbollistët, ndërsa rrogozhinasit që e mbyllën kampionatin në vendin e parë shihen si shumë favorit. Kjo për faktin se Kukësi këtë sezon zbriti nga Superliga dhe vitin e ardhshëm do luajë në Kategorinë e Parë. Mirëpo për verilindorët kjo është ndeshja e fundit elitare dhe e kanë jetë a vdekje, pasi përveç 5 milionë lekëve si fitues të Kupës nga FSHF, mund të sigurojnë edhe pjesmarrjen në Kupat e Europës. Ç’ka përkthehet në +325 mijë euro të tjera si pjesmarrëse në Conference League. Nëse Kukësi bën mrekullinë, për verilindorët shkojnë në total minimum 375 milionë lekë, që do ishte bonus i madh për t’u rikthyer në Superligë.

Kupa është trofeu i parë që dorëzohet këtë sezon, por për Egnatian është po aq objektiv sa Superliga. Madje në Rrogozhinë presin me padurim të shtojnë trofe në kabinetin e tyre.

“Ne na shohin si qytet të vogël, por nuk është kështu sepse jemi në mes të Shqipërisë. Rrogozhina ka afër Kavajën, Peqinin, Lushnjen dhe jemi të gjithë bashkë. Po të shohësh edhe në stadium tifozët vijnë nga këto vende nuk janë vetëm nga Rrogozhina,”-tha Agim Demrozi, president i Egnatias.

Një sy në këtë finale do e ketë edhe Tirana, pasi nëse Egnatia ia del të fitojë atëherë bardheblutë do sigurojnë një vend në Kupat e Europës.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça