POP 5

Lajmet më të lexuara të 5 minutave të fundit

Sport

Sonte finalja e Superkupës në Riad, Inter do hakmarrje dhe trofeun e 4 radhazi! Milani i Conceicaos premton surpriza

Ne Riad të Arabisë Saudite do të luhet sonte finalja e Superkupës së Italisë mes Interit dhe Milanit, që premton të jetë shumë e dyluftuar jo vetëm për shkak të historisë, por edhe të përplasjes që kanë dy trajnerët.

Sonte finalja e Superkupës në Riad, Inter do hakmarrje dhe trofeun e 4 radhazi! Milani i Conceicaos premton surpriza

Inter-Milan në derbin e fundit

Futbolli italian, por jo vetëm, sonte sytë do ti ketë nga Riyad aty ku do të luhet finalja e Superkupës mes dy rivalë historik e plot konkurencë si Interi dhe Milani. Duke nisur nga ora 20:00, Inter fitues i 3 Superkupave të fundit, do të tentojë të mposhtë Milanin e Conceicaos për t’u hakmarrë për humbjen në kampionat, por edhe të barazuar Juventusin për numër trofesh. Aktualisht zikaltërit e Simeones, të cilët janë favoritë sipas koeficentëve në këtë mbrëmje, kanë 8 Superkupa, 1 më pak se Juventusi, ndërsa Milan që ka 7 nuk e fiton këtë trofe që prej vitit 2016 dhe kjo është hera e parë nga ajo periudhë që paraqitet në finale.

Trofeu i Superkupës premton spektakël, por mbi të gjitha edhe tension, pasi dy trajnerët e skuadrave respektive, dikur ish-shok skuadre si Simeone dhe Conceicao, ruajnë inate nga Champions League dy vite më parë edhe pse në konferencë e mohuan diçka të tillë. Trajneri portugez i Milanit vijion të jetë me ethe, ndërsa sonte sipas të gjitha gjasve duhet t’ia bëjë sërish pa Leaon, i cili në rastin më të mirë e nis ndeshjen nga pankina. Megjithatë për të është një mundësi unike për ta nisur aventurën me një trofe, pasi te Milan u emërua vetëm ditët e fundit të 2024.

Nga ana tjetër Inzaghi përveç Acerbit dhe Pavard ka humbur edhe Marcus Thuram, i cili u dëmtua në gjysmëfinale kundër Atalantës. Trajneri i Interit ka siguruar që nuk do ta rrezikojë, pasi kanë shumë ndeshje të ngjeshura para. Përveç trofeut, kjo finale sjell edhe shumë të ardhura. Për fituesin do të shkojnë 8 milionë euro, ndërsa për finalistin tjetër 5 milionë euro, që janë shumë të rëndësishmë nëse do të ndërhyjnë në merkaton e janarit.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

VIDEO/ Bellingham me karton të kuq, Real Madridi dështon në udhëtim! Osasuna e ndal 1-1 dhe rihap garën për kreun

VIDEO/ Bellingham me karton të kuq, Real Madridi dështon në udhëtim! Osasuna e ndal 1-1 dhe rihap garën për kreun

15 Shkurt, 18:35