POP 5

Lajmet më të lexuara të 5 minutave të fundit

Sport

Sonte Inter-Juventus, në lojë Champions dhe titulli

Sonte në mbrëmje luhet derbi i Italisë Inter-Juventus. Në një ndeshje të vetme luhet i gjithë sezoni. Interi lufton për kualifikimin në Champions ndërsa Juventusi do pikë për titullin kampion. Në një “San Siro” të tejmbushur pritet luftë sportive.
Sonte Inter-Juventus, në lojë Champions dhe titulli

Inter-Juventus

Në një mbrëmje të vetme luhet i gjithë sezonit. Interi dhe Juventusi përballen sonte në 20:45 në një “San Siro” të tejmbushur për objektivin sezonal Champions League për zikaltërit dhe titull për Juventusin. Në Milano derbi i Italisë pritet të dhurojë spektakël, luftë sportive dhe emocione të mëdha. Të dyja skuadrat janë gati.

Interi pritet të zbresë në fushë me skemën 4-2-3-1 ku në formacion rikthehet Vecino ndërsa titullar do jenë edhe Rafinha dhe Candreva. “Barazimi nuk i vlen asnjë skuadre”. Kështu e nis tekniku i Interit Luciano Spalletti konferencën duke shtuar: “Nuk është ndeshje deçisive ndaj Juventusit por një super përballje, tifozët e meritojnë dhe ne jemi gati për të fituar”.

Në kampin e bardhezinjve pas humbjes me Napolin sfida e mbrëmjes së sotme duket vendimtare dhe trajneri Max Allegri do bëjë disa ndryshime por do luajë me skemën 4-3-3. Cuadrado pritet të luajë si mbrojtës i djathtë, Chiellinin e dëmtuar e zëvendëson Rugani ndërsa Dybala mund të lihet jashtë formacionit dhe Higuain do ketë në krah Mandzukic e Douglas Costa.

I qetë është shfaqur në konferencë tekniku Allegri: “Nuk është ky moment më i vështirë që kur drejtoj Juven. Tani duhet të mendojmë të luajmë dhe fitojmë. Titulli nuk vendoset sonte por në ndeshjen e fundit në 20 maj”, e mbyll Allegri. Për kompanitë e basteve Juventusi është disi më favorit për ta fituar takimin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58