POP 5

Lajmet më të lexuara të 5 minutave të fundit

Sport

Sonte luhet 'El Clasico', kryendeshja e futbollit

Mbrëmja e së dielës do të dhurojë një nga shfaqjet më të bukura të futbollit. Barcelona kampione e Spanjës pret në stadiumin e vet Realin e Madridit, që është kualifikuar për të tretin vit radhazi në finale të Champions.

Sonte në mbrëmje, në orën 20:45, do të luhet një nga ndeshjet më të bukura të futbollit, e thënë ndryshe “El Clasico”. Barcelona pret Real Madridin në Camp Nou, në javën e parafundit të La Ligas. Kjo është përballja e 237-të në histori mes tyre.

Ku duel vjen ndryshe nga herët e tjera, pasi Barcelona ka siguruar një javë më parë titullin në Spanjë, ndërsa Real Madrid mbetet në vend të tretë dhe nuk ka shanse as për vendin e dytë. Megjithatë, është një duel prestigji, një sfidë që i kalon përmasat e Spanjës, por edhe të Evropës.  

Barcelona krenohet me 7 titujt në 10 vitet e fundit, shto dhe faktin që fitoi Kupën e Mbretit, ndërsa Real Madrid ka siguruar finalen e tretë radhazi në Champions League. Ekipi madrilen kryeson gjithashtu edhe bilancin e përgjithshëm ndërmjet tyre, me 95 fitore kundrejt 92 të katalanasve.

Barcelona, që ka fituar 26 nga 28 ndeshjet e fundit brenda në kampionat, do të japë maksimumin për ta çuar në 42 numrin e ndeshjeve pa humbje në La Liga. Në fazën e pare, falë tre golave të realizuar në pjesën e dytë, skuadra e Ernesto Valverdes fitoi brenda në Bernabeu, duke shijuar në mënyrën më të mirë të mundshme Festën e Krishtlindjes.

Këtë herë ndeshja do të drejtohet nga 35-vjecari Alejandro Hernandez dhe do të luhet në ‘Camp Nou’, ku Barca ka humbur 2 nga 3 duelet e fundit. Pas 37 ndeshjesh kundër Real Madrid, mesfushori veteran Andres Iniesta do të luajë “El Clasico”-n e fundit.

Real Madrid ka vendosur se nuk do të formojë një korridor nderi për rivalët katalanas. Ndërsa për Lionel Messin mbetet një sfidë më vete, sepse kërkon të fitojë Këpucën e Artë në Evropë, teksa kryeson me 32 gola, 1 më shumë se Salah. Cristiano Ronaldo mbetet shumë prapa, me 24 gola.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

21 janari, Braçe për Report Tv: Krim shtetëror i organizuar, ka prova të reja që do dalin nga dëshmitarë! SPAK t’u bëjë thirrje për bashkëpunim

21 janari, Braçe për Report Tv: Krim shtetëror i organizuar, ka prova të reja që do dalin nga dëshmitarë! SPAK t’u bëjë thirrje për bashkëpunim

22 Korrik, 17:44