POP 5

Lajmet më të lexuara të 5 minutave të fundit

Sport

Sonte sfida me të panjohura, kombëtarja tjetër përballje me 3 pikët detyrim! Sylvinho nuk ndryshon, Ramadani: Trajneri na ka sjellë energji

Një përballje më e vështirë se ndaj Moldavisë. Kështu e mendon trajneri Sylvinho sfidën e sotme ndaj ishujve Faroe për kualifikueset e Europianit, ndërsa shton se nëse dëshirojmë të shkojmë në Europian duhet të luajmë me 100km/h.

Pas Moldavisë kombëtaren shqiptare e pret sonte një tjetër përballje delikate, pasi Ishujt Faroe janë një kundërshtar i lehtë në letër, por gjithashtu 3 pikët janë detyrim që kuqezinjtë të kualifikohen në Europian. Në orën 20:45 në fushë pritet të zbresë i njëjti formacion si tre ditë më parë, ndërsa trajneri Sylvinho pret më shumë peripeci se ndaj Moldavisë.

“Ndeshja është e vështirë sepse tani nuk ka më sfida të lehta. Fusha është me barë sintetik, por është në gjendje të mirë dhe e njëjtë për të dy skuadrat. Nuk kemi eufori sepse kemi edhe 6 finale të mbetura. Nëse duam të shkojmë në Europian duhet të vrapojmë me 100km/h. Vërtetë fituam ndaj Moldavisë, por kjo ndaj Ishujve Farore është një ndeshje krejtësisht tjetër. Duhet të luftojmë. E dimë që është e vështirë, por do bëjmë të pamundurën për ta fituar sfidën,”-u shpreh Sylvinho, trajner i kombëtares.

Futbollistët kuqezinj duken të karikuar para sfidës dhe janë gati për ti bërë tifozëve një tjetër dhuratë 3 pikëshe.

“Normalisht nuk duhet të kalojmë në eufori dhe të hyjmë në ndeshje me një qase shumë të mirë. Duhet të marrim rezultat pozitiv që të shkojmë në Shqipëri me fitore. Normalisht çdo ndeshje kemi vetëbesim dhe duhet të bëjmë maksimumin. Kemi energji shumë të mirë brenda grupit dhe jemi të kënaqur për këtë sepse trajneri ka futur një frymë shumë të mirë,”-deklaroi Ylber Ramadani, futbollist i kombëtares.

Kjo do jetë përballja e parë që Shqipëria luan ndaj Ishujve Faroe, ndërsa UEFA ka përzgjedhur një katërshe arbitrash nga Qipro. Pas 2 ndeshjeve të parë kuqezinjtë e drejtuar nga Sylvinho renditet të tretët me 3 pikë, po sa Polonia e vendit të dytë, ndërsa vendi i parë mbahet nga Çekia me 7 pikë, por kanë një ndeshje më shumë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Parashqevi Simaku shtrohet në psikiatri, psikologia: Të trajtohet me dëshirën e saj, jo atje! Mërtiri: Ekspozimi ia rëndojë problemet, të ndihmohet nga shteti

Parashqevi Simaku shtrohet në psikiatri, psikologia: Të trajtohet me dëshirën e saj, jo atje! Mërtiri: Ekspozimi ia rëndojë problemet, të ndihmohet nga shteti

17 Janar, 20:10