Soreca 'zbret' në terren ditën e zgjedhjeve: Do vizitoj një numër të madh qendrash votimi! Shqiptarët të ushtrojnë të drejtën e tyre për të votuar

Ambasadori i BE në Shqipëri, Luigi Soreca, ka bërë me dije se do të "zbresë" në terren në ditën e zgjedhjeve, ku do të vizitojë një numër të madh qendrash votimi më 25 prill. Me një postim në Twitter, Soreca thotë se po ashtu të pranishëm në 'terren' më 25 prill do të jenë edhe përfaqësues nga vende të tjera anëtare të BE.

Më tej Soereca inkurajon qytetarët që të ushtrojnë të drejtën e tyre për të votuar më 25 prill, duke theksuar se BE mbështet Shqipërinë.

"Së bashku me shumë kolegë të Shteteve Anëtare të Bashkimit Evropian do të vizitoj një numër të madh të vendvotimeve në ditën e zgjedhjeve. Ne inkurajojmë qytetarët e Shqipërisë të ushtrojnë të drejtën e tyre për të votuar duke respektuar të gjitha masat kundër COVID-19. BE qëndron pranë Shqipërisë", shkruan Soreca.

Lajmi kryesor:

‘PS skenar për të ndërhyrë në njësinë ku do votohet elektronikisht’ Celibashi i përgjigjet Metës: Procesi, 100% i sigurt për moscënimin e integritetit të votës

TAG:
• kqz
• Ilir Meta
• Lealba Pelinku
• ilirjan celibashi
• zgjedhjet parlamentare 2021
• identifikimi elektronik ne zgjedhje