Sot 1 qershori, Gledis Nano: Detyrë dhe përgjegjësi e jona t'i mbrojmë fëmijët, t'i udhëzojmë dhe t'i duam me gjithë fuqinë tonë, janë thesaret më të mëdha që kemi

Drejtori i Përgjithshëm i Policisë së Shtetit Gledis Nano ka uruar fëmijët me rastin e festën  së 1 qershorit, duke kujtuar përgjegjësinë e të gjithëve për t’i mbrojtur, t’i udhëzuar dhe për t’i dashur të gjithë fëmijët.

“Falë fëmijëve, bota fiton shkëlqimin më reflektues, që i përngjason rrezeve të diellit, nëpërmjet të cilave lind e nesërmja me dritën e saj, zërat e hareshëm dhe me dashurinë pa kushte. Është detyrë dhe përgjegjësi e jona t'i mbrojmë, t'i udhëzojmë dhe t'i duam me gjithë fuqinë tonë fëmijët, sepse ata janë thesaret më të mëdha që kemi.   Në ditën e tyre, i uroj përzemërsisht pjesës më të mirë të vendit tonë, Gëzuar 1 Qershorin, ditën e fëmijëve, këtë ditë, e cila, qoftë edhe për një çast, na rikthen të gjithëve në fëmijëri, në kohën kur gjithçka shfaqet me ngjyrat e së vërtetës”, shkruan Nano.

LEXO EDHE:
A është e shëndetshme që fëmijët të flenë me kafshët shtëpiake

Lajmi kryesor:

Sot 1 qershori, festa dedikuar buzëqeshjeve të fëmijëve në të gjithë botën! Ministrja e Shëndetësisë: Zgjerojmë programet për shëndetin e fëmijëve në shkolla

S.C/Shqiptarja.com

TAG:
• Femije
• 1 Qershori