Elbasani ka nisur festimet për Ditën e Verës duke e mirëpritur me një super koncert në sheshin kryesor, ku qindra qytetar janë mbledhur për shijuar muzikën e këngëtarëve dhe duke kërcyer.

Veçanërisht për ditën e nesërme, Bashkia Blbasan ka organizuar një sërë aktivitetesh për të gëzuar këtë ditën siç e ka tradite ky qytet.

Po ashtu, është qytetarët beratas nuk kanë harruar ritet e Ditës së Verës dhe traditat qindra vjeçare për të pritur Pranverën. Ata kanë ndriçuar mbrëmjen e sotme oborret e banesave dhe bahçet, ndërkohë që zjarrit nuk i ka shpëtuar as aksi nacional Berat-Dimal. Siç edhe duket nga pamjet filmike, përveç zjarreve të vëna në anë të rrugës, në fshatin Moravë, banorët kanë djegur goma në rrugë, duke krijuar probleme në qarkullimin e automjeteve.

Kanë që efektivët e policisë rrugore, ata që kanë mbajtur nën kontroll qarkullimin në këtë aks, deri në mbërritjen e zjarrfikësve

Dita e Verës është një festë pagane e trashëguar ndër breza së bashku me rituale e saj specifike, që edhe sot vijojnë të respektohen nga banorët e Beratit e gjithë Shqipërisë, edhe pse të tepruara në shumë raste.

Sipas traditës, pas ndezjes së zjarreve, banorët kalojnë mbi to, duke respektuar një ritual pagan që simbolizon djegien e të këqijave dhe mikëpritjen e një sezoni tjetër më të begatë, pra një behar sa më të mbarë.

K.M/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Shkurt, 21:54

    Rama shkarkon Ballukun dhe bën 7 ndryshime në qeveri, si e vlerësoni?

Lajme të tjera