Bota nuk e harron. Shtatëdhjetë e pesë vjet më parë, trupat e Ushtrisë së Kuqe çliruan të mbijetuarit e kampit të vdekjes së Aushvic, në Poloni dhe hoqën tmerrin e Holokaustit. Sot udhëheqësit e botës përqafojnë të mbijetuarit e paktë dhe përballen me ringjalljen e antisemitizmit, teksa kujtesa është gjithmonë e gjallë.
Më shumë se një duzinë krerësh shtetesh, duke përfshirë Presidentin gjerman Frank-Walter Steinmeier dhe Presidentin Izraelit Reuven Rivlin, do të marrin pjesë në ceremonitë e orës 15.30 në "Portën e Vdekjes".
Në Aushvic 1,1 milion njerëz humbën jetën në dhomat e gazit të kampit ose nga uria, të ftohtit dhe sëmundjet.
Themeluar nga Gjermania naziste në Poloninë e okupuar në 1940, fillimisht për të strehuar të burgosurit politikë polakë, ai u bë më i madhi nga qendrat e shfarosjes, ku u vendos në praktikë "Zgjidhja përfundimtare", plani hitlerian për shfarosjen e plotë të hebrenjve.
Asambleja e Përgjithshme OKB-së caktoi 27 janarin si Ditën Ndërkombëtare të Përkujtimit të Holokaustit, datë e cila përkon me përvjetorin e çlirimit të kampeve të vdekjes Auschvitz-Birkenau në vitin 1945.
Sonte natën në Memorialin e Holokaustit në Berlin janë ndezur 75 qirinj me rastin e shënimit të Ditës së sotme të Kujtimit të Holokaustit dhe 75-vjetorit të çlirimit nga kampi përqendrimi nazist Aushvic-Birkenau.
Ceremonia e qirinjve u organizua nga Shoqata Europiane e Hebrenjve të vrarë dhe Memoriali i Holokaustit.
“Në çdo ditë të caktuar, por para së gjithash në Ditën e Kujtimit të Holokaustit, ne duhet të tregojmë fytyrën tonë, ne duhet të ngrihemi së bashku në mënyrë që fjalët e përsëritura kurrë të mos jenë më boshe,” tha Lea Rosh, drejtuesi i shoqatës.
Me këtë raste është mbajtur edhe një meshë në Katedralen e Berlinit, dhe një seri ceremonish përkujtimore do të mbahen në kryeqytetin gjerman.
Që nga çlirimi i tij 75 vjet më parë, më 27 janar të vitit 1945, Kampi i Aushvic është bërë një nga simbolet e mizorive të Holokaustit.
1,100,000 burra, gra dhe fëmijë janë vrarë në kampin e vdekjes naziste.
Të burgosurit e dërguar në kamp përfshinin hebrenjtë, ciganët, homoseksualët, Dëshmitarët e Jehovait, Polakët dhe Sovjetikët.
Aushvic ishte kampi më i madh i përqendrimit gjatë Luftës së Dytë Botërore dhe 80% e atyre që mbërritën atje u vranë menjëherë.
Këto imazhe video të filmuara sot zbulojnë përmasën e këtij vendi ku u ‘mbollë’ vdekja…
Megjithëse me vonesë, nga Hollanda më në fund ka ardhur një falje për komunitetin hebre për veprimet e qeverisë së Hagës gjatë Luftës së Dytë Botërore.
Ishte Kryeministri Mark Rutte ai që kërkoi falje gjatë Ditës së Përkujtimit të Holokaustit në Amsterdam.
"Tani që të mbijetuarit e fundit janë akoma midis nesh, kërkoj falje në emër të qeverisë", tha Rutte.
Asnjëherë nuk kishte ndodhur më parë që qeveria hollandeze të kërkonte falje për persekutimin e hebrenjve në Hollandë dhe dëbimin e tyre masiv në kampet e shfarosjes. Vetë Rutte ndryshoi qëndrimin e tij të vitit 2012, kur ai deklaroi se nuk kishte arsye të kërkonte falje.
Hollanda nuk i ka mbyllur ende plotësisht llogaritë për vitet e errëta të dëbimeve, kur 38,000 nga 140,000 hebrenjtë e dërguar në kampet e shfarosjes mbijetuan.
"Varet nga ne, brezat pas luftës, të vazhdojmë të përkujtojmë, nderojmë të rënët, emrin për emër", shtoi Kryeministri duke vendosur një kurorë në Memorialin Kombëtar të Holokaustit në Amsterdam, me rastin e 75 vjetorit të çlirimit të kampit të shfarosjes së Aushvicit.
Lajme të tjera
-
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit
16 Dhjetor, 09:11 -
Biseda/ Angela Merkel dhe Mario Draghi, çfarë i bën të mëdhenj këta dy europianë?
13 Dhjetor, 07:44
-
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Angela Merkel intervistë për 'Corriere della Sera': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Gjermania thotë se do t’i mbyllë 3 konsullata iraniane, pas ekzekutimit të shtetasit gjermano-iranian
1 Nëntor, 09:04 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
Kaos a bashkëpunim? Dilema e Ballkanit Perëndimor
20 Tetor, 17:22 -
Samiti i Berlinit/ Kosova heq vizat për Bosnjë-Hercegovinën nga 1 janari 2025! Kurti i kërkon Scholz dhe Von der Leyen statusin e vendit kandidat për në BE: Ka ardhur koha
14 Tetor, 14:04 -
Procesi i Berlinit: Dhjetë vjet në dhomën e pritjes së BE-së
14 Tetor, 10:51 -
Procesi i Berlinit hyn në vitin e 11-të! Çfarë është arritur ndër vite dhe çfarë pritet nga takimi i 14 tetorit?
14 Tetor, 08:01
-
Samiti 'Procesi i Berlinit'/ Liderët e Ballkanit Perëndimor nënshkruajnë 2 marrëveshje për tregtinë e lirë dhe arsimin e lartë! Kancelari Scholz: E ardhmja është në Europë
14 Tetor, 07:25
