Sot ‘dita pa makina’ në Tiranë, rrugët ku nuk do të lejohet qarkullimi i automjeteve nga ora 8 e mëngjesit deri në 14:00

Sot, qytetarët në Tiranë duhet të lënë makinat dhe të shkojnë në punë në këmbë, për t'i dhënë mundësi, të paktën për një ditë, mjedisit që të 'shpëtojë' nga ndotja e gazrave të çliruar.

Në kuadër të “Javës Europiane të Lëvizshmërisë”, Bashkia e Tiranës ka rikthyer më 22 shtator nismën “Dita pa Makina”, e cila synon ndërgjegjësimin e qytetarëve që të shmangin të paktën për një ditë përdorimin e automjeteve të tyre, të cilat janë edhe ndotëset kryesore të ajrit.

Për të garantuar mbarëvajtjen e aktiviteteve të shumta dhe për t’i dhënë mundësi qytetarëve që të festojnë qetësisht, janë marrë të gjitha masat për kufizimin e qarkullimit të automjeteve nga ora 08:00 deri në orën 14:00, në disa prej rrugëve të qytetit.

Kufizimi i qarkullimit të automjeteve do bëhet si më poshtë:

•Rruga "Luigj Gurakuqi", duke filluar nga kryqëzimi me rrugën "Xhorxh Bush" deri në sheshin "Avni Rustemi".

•Rruga "Kostandin Kristoforidhi" deri në kryqëzimin me rrugën “Luigj Gurakuqi"

2.Qarkullimi i mjeteve të emergjencës dhe Policisë së Shtetit do të vazhdojë normalisht në segmentet rrugore sipas pikës 1.

3.Qarkullimi i mjeteve të tjera do të vazhdojë në segmentet e mëposhtme:

•Rruga "Xhorxh Bush" - Rruga -Barikadave"

•Rruga "Hoxha Tahsim",- "Rruga "Tefta Tasho Koço"

4.Qarkullimi i mjeteve të transportit publik linja -Porcelan - Qendër- do të devijojë në sheshin "Avni Rustemi" dhe do të stacionohet pranë tij.

 

/KT/Shqiptarja.com

TAG:
• Tirane
• dita pa makina