TIRANË- Në Teatrin e Operas dhe Baletit po mbahen homazhet në nder të kolosit të letërsisë shqipe, Ismail Kadare. Krerët më të lartë të shtetit, politikës, personalitet të kulturës dhe diplomatë nderojnë shkrimtarin e madh Kadare. Homazhet nisën nga ora 09.00-11.00 zgjasin deri në 12.30. Në orën 11:30 pritet të mbahet ceremonia shtetërore e lamtumirës së shkrimtarit, ndërsa në 12:30 do të nis kortezhi i përcjelljes së shkrimtarit për në banesën e fundit në varrezat e Tufinës.
Në nder të shkrimtarit, Shqipëria dhe Kosova janë në zi, ndërsa në dy vendet flamujt janë ulur në gjysmështizë.
Ndërkohë, në orën 13.00 çdo veprimtari do të ndërpritet dhe do të mbahet një minutë heshtje në nder të kolosit të letrave shqipe. Radio Televizioni shtetëror gjatë kohës së homazheve do të transmetojë muzike funebre, ndërsa për organizimin e homazheve është ngritur një komision i posaçëm shtetëror.
Në ceremoninë shtetërore që do të organizohet nga Kryeministria do të marrin pjesë krerët më të lartë të vendit, kryeministri Edi Rama me bashkëshorten, Presidenti Begaj me bashkëshorten, Kryetarja e Kuvendit Lindita Nikolla, po ashtu edhe ministra, drejtues institucionesh të larta, personalitete të kulturës dhe artit si dhe diplomatëve të akredituar në vendin tonë. Gjithashtu do të jenë prezentë edhe presidentja dhe kryeministri i Kosovës, Vjosa Osmani e Albin Kurti.
Ismail Kadare
Ismail Kadare një nga shkrimtarët më gjenialë bashkëkohor, disa herë i nominuar për çmimin “Nobel” në letërsi, ndërroi jetë në moshën 88 vjeç, mëngjesin e 1 korrikut. Kadare pësoi "arrest kardio-respirator", në shtëpinë e tij dhe vdiq në spitalin e QSUT në Tiranë.
Lindur më 28 janar 1936 Gjirokastër, ku përfundoi edhe arsimin e mesëm; Gjuhë – Letërsi në Tiranë, më pas dy vjet vjet studime në Moskë në Institutin e Letërsisë Botërore "Maksim Gorki", Kadare është përfaqësues kryesor i letërsisë shqipe nëpër botë dhe përkthyer në 45 gjuhë. Vitet e fundit I ndau mes Francës dhe Shqipërisë.
Shkrimtari së fundmi mori dekoratën më të lartë franceze, më 1 janar 2020, nga Presidenti i Francës, Macron, “Oficer i Madh i Legjionit të Nderit”. Është nderuar me shumë çmime ndërkombëtare, mes të cilëve Çmimin “Man Booker International” më 2005, çmimin “Princesa de Asturias” për Artet më 2009 dhe Çmimin “Jeruzalem” më 2015. Autor i 71 veprave, ai shquhet kryesisht për prozë, por me kontribut edhe në dramaturgji, poezi dhe përkthime.
Kadare iku i qetë pasi ai mendonte se e kishte kryer atë që ishte shumë e rëndësishme për një shkrimtar, botimin veprës së plotë. Kjo e bënte atë të qetë.
Alda Bardhyli ka qenë një nga personat që i ka qëndruar pranë shkrimtarit, sidomos vitet e fundit.
Bashkëshortja e shkrimtarit të ndjerë Ismail Kadare ka mbërritur në Teatrin e Operas dhe Baletit ku dhe do të mbahen homazhet. Ajo është parë të shoqërohet nga kryetari i bashkisë Erion Veliaj.
Në homazhe do të marrin pjesë krerët më të lartë të shtetit, politikës dhe personalitete të artit.
Në Teatrin e Operas dhe Baletit mbahen homazhet për shkrimtarin Ismail Kadare, i cili u nda nga jetë në moshën 88-vjeçare. Krerët më të lartë të shtetit, politikës e personalitete të artit do të marrin pjesë në homazhe.
Në Teatrin e Operas dhe Baletit ka mbërritur edhe arkëmorti i Kadaresë, ndërsa vajza e tij Besjana Kadara dallohet në lot.
I pranishëm ishte edhe kryebashkiaku Erion Veliaj.
Lajme të tjera
-
Edison Ypi: Kodi Kadare
3 Korrik, 09:18
-
‘Në Shqipëri kujtojnë vetëm të këqijat’, raportet mes Kadaresë e Agollit dhe takimi i fundit! Dritëroi: Pa kundërshtim s’mund ta duash tjetrin (VIDEO)
3 Korrik, 08:27 -
Një uragan i pandërprerë si dhuratë për botën
3 Korrik, 08:08
-
Mero Baze: Ndarja e Shqipërisë me Ismail Kadarenë
2 Korrik, 19:40
-
'Kam lexuar çdo gjë nga Kadare', Preç Zogaj në 'Frontline Interview': Nobelin e meritonte! Ka pasur ëndërr Shqipërinë e Madhe, e vetmja opozitë në diktaturë
2 Korrik, 19:13 -
Kadare pas vdekjes/ Persida Asllani në 'Studio Live': Agresiviteti ndaj tij, inerci nga realizmi socialist! Mark Marku: Ishte disident estetik
2 Korrik, 17:39 -
Një guidë në librat e Ismail Kadaresë
2 Korrik, 17:38
-
Le Courrier des Balkans: Ismail Kadare, gjiganti i letrave shqipe është larguar! Pretendentë për çmimin Nobel
2 Korrik, 17:20 -
Intervista e Kadaresë në 1992: Fitorja e opozitës demokratike është urdhër i kohës
2 Korrik, 16:27 -
Diplomati AIiçka zbulon të pathëna nga jeta e Kadaresë për Report Tv: Donte hapjen e dosjeve të komunizmit! Ishte i ndjeshëm ndaj ngjarjeve politike
2 Korrik, 15:42 -
Instituti Albanologjik i Kosovës mblidhet në nderim të Ismail Kadaresë, vlerësim i veçantë për veprën e shkrimtarit
2 Korrik, 15:38 -
Timo Flloko publikon videon e veçantë nga ditëlindja e fundit e Kadaresë, interpreton poezinë e shkrimtarit
2 Korrik, 14:32
