POP 5

Lajmet më të lexuara të 5 minutave të fundit

Sport

Sot Juventus - Milan, kërkohet një finalist! Motta: Dua fitoren! Conceiçao në debutim: E mposht tim bir

Këtë mbrëmje duke nisur nga ora 20:00 në Riad të Arabisë Saudite Juventusi dhe Milani kërkojnë biletën e vetme të mbetur për të sfiduar Interin në finalen e Superkupës së Italisë.

Sot Juventus - Milan, kërkohet një finalist! Motta: Dua fitoren! Conceiçao në debutim: E mposht tim bir

Motta dhe Conceiçao

Arabia Saudite - Këtë mbrëmje duke nisur nga ora 20:00 në Riad të Arabisë Saudite Juventusi dhe Milani kërkojnë biletën e vetme të mbetur për të sfiduar Interin në finalen e Superkupës së Italisë.

"Zonja e Vjetër" kërkon trofeun e parë në epokën e Thiago Mottas duke harruar formën "jo" në Serie A. Nga ana tjetër Milani kërkon të rivalizojë në finale "kushërinjtë" nga i njëjti qytet, ndërsa në stol debuton Sergio Conceiçao.

Për portugezin nuk do jetë ndeshje e lehtë, pasi përtej rivalitetit në fushë përballë si kundërshtar do ketë edhe të birin, Franciscon që këtë sezon u bashkua me Juventusin.

Para ndeshjes për mediet trajneri i Milanit tha se kërkon finalen dhe fitoren kundër të birit.

"Gjeta një ekip që është i përulur, që dëshiron të mësojë, që dëshiron të kuptojë atë që kupton trajneri. Kjo është shumë e rëndësishme, është baza për të bërë një punë cilësore për mendimin tim. Kishim pak kohë për të punuar, por ne ishin të prerë për të përcjellë atë që nevojitet.

Përballja me tët bir si kundërshtar? Nuk jam aspak i emocionuar, jam profesionist, thjesht jam i ftohur dhe kam pasur temperaturë këto ditë, nëse më shihni sytë më përloten pak, kjo është për shkak të kësaj. Në shtëpi unë jam babai i tij, nesër djali im do të jetë kundërshtari im. Ai do të mendojë në të njëjtën mënyrë, unë dua ta mposht atë si ai mua, shpresoj që të mos e bëj të lumtur", tha trajneri i Milanit.

Motta nga ana tjetër shtoi se kërkon fitoren, por trofeu për të nuk është një fiksim.

"Dua të fitoj si trajner, prandaj zgjodha këtë punë. Por tani nuk është një fiksim, bëj gjithçka që mundem për të përmirësuar ekipin dhe për të ndihmuar lojtarët, jam i qetë dhe i bindur për forcën tonë. Do të jetë një ndeshje e bukur për t'u përballur.

Këto janë ndeshje të bukura për t'u luajtur, ne e bëjmë këtë punë për momente si këto. Pjesa emocionale duhet të jetë nën kontroll, do të duhet dëshirë dhe ambicie e madhe, por edhe kontroll për të bërë zgjedhjet e duhura gjatë ndeshjes", tha trajneri bardhezi.

Kujtojmë se dje Interi mposhti 2-0 Atalantën në gjysmëfinalen e parë dhe pret se me kë do përballet në mbrëmjen e 6 janarit.

Rendit zhvillimet sipas orarit:
Ora 14:51
Formacionet Juve - Milan, Motta i lë në stol të birin! Conceiçao luan në sulm gjatë debutimit

Kërkohet një finalist për Superkupën e Italisë. Juventus dhe Milan përballën sot në 20:00 në gjysmëfinalen e dytë, teksa i pret në finale Interi. E veçantë kjo sfidë për trajnerin e Milanit, Sergio Conceiçao që debuton në stolin e kuqezinjte në një ndeshje ku përballë ka si rival të birin, Franciscon.

Duket se Thiago Motta nuk do e hedhë nga minuta e parë djaloshin, ndërsa gjithçka mund të ndryshojë deri para ndeshjes. Nga ana tjetër Sergio duket se do luajë me skemën sulmues 4-3-3.

Formacionet e mundshme, Juventus - Milan:

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Sarandë/ Sherri masiv në fshatin Gjashtë, arrest me burg për 2 policët, ‘Detyrim paraqitje’ për 6 personat e tjerë

Sarandë/ Sherri masiv në fshatin Gjashtë, arrest me burg për 2 policët, ‘Detyrim paraqitje’ për 6 personat e tjerë

5 Janar, 17:27