Troket Viti i Ri 2024, spektakël fishekzjarresh e koncert në Tiranë! Atmosfera festive nga Saranda në Kukës! Shqiptarët kudo urojnë: Gëzuar

Edhe në Krujë shpëthyen fishekzjarret që lajmërojnë ardhjen e vitit të ri 2024.

Report Tv sjell atmosferën se si u prit Viti i Ri 2024.

Atmosfera festive përsfhiu edhe qytetin e Lushnjës dhe Fierit, ku nuk munguan fishekzjarret.

Report Tv sjell atmosferën se si u prit Viti i Ri 2024.

Edhe qyteti i Elbasanit ka pritur Vitin e Ri me spektakël fishekzjarresh duke dhuruar një atmosferë magjike në sheshin kryesor.

Qytetarë të shumtë iu bashkuan atmosferës festive në shesh.

Qindra qytetarë e pritën Vitin e Ri në pedonalen e qytetit. Ndërrimi i viteve ardhja e Vitit të Ri 2024 u prit mes fishekjzarreve të  cilat u hodhën nga vetë qytetarët që kishin mbushur pedonalen si dhe shëtitoren përgjatë lumit Osum.

Spektakël me fishekziarresh u organizua nga bashkia Berat të cilat u hodhën nga Tabia e Kalasë.

Sapo ora trokiti 12 njerëzit uruan njëri-tjetrin Gëzuar e vit të mbarë.

Festa vijon në lokalet e shtëpizat të cilat kanë dy muaj që kanë ndezur e mbajnë gjallë atmosferën në qytetin e Beratit.

Edhe në Kukës qytetarët kanë festuar me fishekzjarre.

Përveç bashkisë kanë qenë dhe qytetarë të cilët kanë dalë në shesh për të festuar duke hedhur fishekzjarre për të uruar mirëseardhjen e Vitit të Ri 2024.

Qindra qytetarë në Sarandë kanë pritur ardhjen e Vitit të ri 2024 në Shëtitoren e qytetin.

Për të festuar me qytetarët kanë qenë edhe kryetari i bashkisë Sarandë Oltion Çaçi, i cili ka uruar të gjithë qytetarët e Sarandës për të vijuar me pas me një spektakël fishekzjarresh në të gjithë qytetin.

Ashtu si në të gjithë Shqipërinë edhe në Lezhë bashkimi i akrepave të orës që lajmëruan ardhjen e Vitit të Ri u prit me një atmosferë të gëzueshme. Qindra qytetarë mbushën rrugët dhe sheshin kryesor të qytetit, duke u bërë pjesë e festimeve për Vitin e Ri 2024.

Për disa minuta qielli u ndriçua nga magjia e fishekzjarreve të shumta të cilët u hodhën në mënyrë të orgnizuar nga Bashkia e Lezhës dhe vetë qytetaret.

Atmosfera festive u monitorua nga forca të shumta policie të cilët ishin vendosur në disa pika të qytetit, ndërsa fatmirësisht nuk raportohet për incidente.

Policia e Shtetit njofton se vetëm dy persona kanë mbetur të lënduar nga fishekzjarret në Tiranë.

Deri më tani, nuk raportohet për asnjë person tjetër të lënduar në rang vendi.

Ka dy të dëmtuar nga përdorimi i lëndëve piroteknike në Tiranë një 13 vjeçar nga rruga e Dibrës dhe një nga Kamza, janë me dëmtime jo serioze, jashtë rrezikut për jetën. Në shkallë vendi ska asnjë raportim për të lënduar. Kemi marrë masa për të ndëshkuar cdo përdorues që përdor mjete alkoolike.

Viti 2024 ka nisur me spektakël fishekzjarresh në Korçë e Pogradec.

Turistë vendas e të huaj shijuan atmosferën magjike tw fishekzjarreve në shesh.

Tirana u ndriçua sot nga fishekzjarret që shënjjnë fillimin e një viti të ri. Pasohet me urimin për ditë më të begata e një Shqipëri më të mirë, më të bukur e më të pastër.

 Spektakli i fishekzjarreve në Tiranë u organizua nga bashkia, ndërkohë të shumtë kanë qenë dhe ato që kanë ndezur fishekzjarre nga ballkonet e shtëpive për të mirëpritur vitin e ri

Shikoni videon 

Shkodra ka dhuruar një atmosferë elektrizuese, ndërsa qytetarët u mblodhën edhe për të shijuar spektaklin e fishekzjarreve  në shesh.

Report Tv sjell pamjet nga spektakli i fishekzjarreve, ndërsa dhuroi një moment magjik për të qytetarët.

As në Shkodër nuk mungoi koncerti me muzikë.

Viti i Ri tashmë ka mbërritur. Festime po mbahen në gjithë qytetet. Qytetarët në Vlorë janë mbledhur në sheshin kryesor për të shijuar magjinë e fishekzjarreve.

Qytetarët përmes mikrofonit të Report Tv urojnë shqiptarët për një vit më të mbarë.

Gëzuar qoftë një vit i mbarë për të gjithë familjet.

Gëzuar Vit më i Mbarë për pë të gjithë shqiptarët.

Në Durrës qytetarët nuk kanë pritur që akrepat e orës të shënojnë 00:00.

Ata kanë nisur me plasjen e fishekzjarreve, siç shihet edhe nga pamjet që sjell Report Tv.