POP 5

Lajmet më të lexuara të 5 minutave të fundit

Ekonomi

Sot nis shpërndarja e shtesës
së pagave dhe pensioneve

Rritja do të përballohet nga fondi prej 2.5 miliardë lekësh.  Efektet financiare nisën në korrik, ndërkohë që shtesa mbi pagën ndahet me rrogën e gushtit dhe do të vijojë të paktën deri në fund të këtij viti.
TIRANE - Sot nis shpërndarja e shtesës mbi pagat, e cila varion nga 2 deri 5.25 %. Kjo rritje do të përballohet nga fondi prej 2.5 miliardë lekësh, i përllogaritur për shtesën mbi pagat dhe pensionet, që do të nisë të ndahet nga sot (e hënë).

Efektet financiare nisën në korrik, ndërkohë që shtesa mbi pagën ndahet me rrogën e gushtit dhe do të vijojë të paktën deri në fund të këtij viti.

Shtesë mbi pagën do të përfitojnë të gjithë nëpunësit civil, mësuesit, mjekët, policët, ushtarakët.

Mbi bazën e shtesave të reja do të aplikohet edhe një rritje mesatare prej 5.4 % e pagave. Nga kjo rritje, që nis nga korriku, do të përfitojnë edhe 15 100 punonjës të sektorit mbështetës të institucioneve, të cilëve paga iu rritet me 6 % dhe nga 35 122 lekë shkon në 37 199 lekë.

Një kategori tjetër që përfiton dhe që çdo vit është trajtuar me prioritet, është ajo e arsimtarëve, të cilëve paga nga 53 300 lekë iu shkon në 54 828 lekë, duke tejkaluar kështu edhe pagesën mesatare në vend. Ndërkohë ndryshimet prekin edhe pagën mesatare, e cila rritet nga 35 897 lekë në 37 854 lekë. Personat e punësuar në institucionet shtetërore janë trajtuar me rritje të diferencuar page duke pasur prioritet ata me paga më të ulëta.

Ndërkohë, rritja e pagave ndryshon për nënprefektët, të cilët janë grupuar sipas madhësisë së qarqeve.

Rritja e pagave përfshin edhe këshilltarët e ministrave, sekretarët e Kryeministrit, të Kuvendit apo Avokatit të Popullit. Për pozicionin sekretar, në vendim shtohet gjithashtu pika ku thuhet se shtesa për vjetërsi në punë për të gjitha pozicionet sekretar jepet në masën 2% pas çdo viti pune, deri në 25 vjet dhe llogaritet mbi vlerën 14 000 lekë.

Ndërkohë rritja e pensioneve për të gjitha kategoritë që hyri  në fuqi  në datën 1 gusht, merret në shtator, informon Shekulli.

Redaksia online
(sg/shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako