Shtyhet ligji për ‘Magjistratët’, Ruçi: Opozita refuzoi dialogun! Basha: Lojë sigurimsash/ Kuvendi merr pushimet

Paralelisht me seancën plenare, kryedemokrati Lulzim Basha ka mbledhur grupin e deputetëve demokratë. Burime për Report Tv, bëjnë me dije se Basha iu ka thënë të tijëve se ligji për magjistratët e rinj, nuk zgjidh asgjë.

“Ligji për magjistraturën nuk zgjidh asgjë, se është bërë si shkolla e partisë. Këtu ka rënë sistemi i drejtësisë, që nga Gjykata Kushtetuese e me radhë.”-mësohet të ketë thënë Basha në mbledhje.

Kryetari i Komisionit të Ligjeve, Ulsi Manja i është përgjigjur nga jashtë Kuvendit, shqetësimit të ngritur nga zv/kryetari i LSI-së, Luan Rama. Manja ka thënë se sistemi i drejtësisë nuk është në kolaps, pasi sipas tij, reforma dhe ligjet e saj, i kanë të përcaktuara rrugët e zhbllokimit të ngërçeve si në Gjykatën Kushtetuese edhe në emërimin e magjistratëve të rinj.

Siç është diskutuar këto ditë në media, ligji për shkollën e magjistraturës dhe emërimin e 16 magjistratëve që janë emëruar në qershor. Projektligj tejet i rëndësishëm i karakterit juridik, është votuar një herë në mandatin që iku bashkë me LSI. Meqë dy organe s’janë krijuar për të bërë emërimin e magjistratëve, propozimi ynë sot është që ta bëjë direk ligji për statusin e gjyqtarëve dhe prokurorëve. Ne s’i kemi këto vota, por ta shohim njëri-tjetrin në sy e të themi disa të vërteta për Reformën në Drejtësi dhe zbatimin e saj. nuk është kuptuar procesi siç duhet. Po spekulohet politikisht. Njerëzit pyesin pse opozita s’voton, teoria është e qartë. Teoria e kolapsimit të Reformës në Drejtësi, nuk është teori juridike. Është teori e opozitës, që ditën e parë pas votimit u bë pishman. Nga opozita na kanë dalë profetë juridikë që thonë se e kishin parashikuar si do kolapsohej reforma në drejtësi. S’ka profetë  e kryeprofetë që ia mbush mendjen shqiptarëve se reforma në drejtësi, s’është kryereforma.

99% e shqiptarëve që para shumë vitesh, i thonin klasës politike se drejtësia është e korruptuar, po marrim Maliqin jo ligjin. Kemi rezultatet e para, profeti popull ka patur të drejtë. S’ka kolapsim, sepse kushtetuta dhe ligjet e reformës kanë përcaktuar qartë zhbllokimin. Dialog për të zhbërë reformën në drejtësi dijeni se s’ka e s’do të ketë.

Nëse opozita s’jep votën do presim me qetësi ngritjen e organizmave të re. Opozita të reflektojë. Konsensusi i korrikut 2016, do iu duket dimër. Ky s’është shantazh.

Ulsi Manja, kryetar i Komisionit të Ligjeve.

Kuvendi është duke zhvilluar ditën e sotme seancën e fundit, ndërsa LSA ka fokusuar disa momente nga ajo çfarë po ndodh. PD dhe LSI nuk janë të pranishme, ndërsa as kryeministri Rama dhe disa prej ministrave nuk ndodhen. Vëmendjen seancën e sotme e ka tërhequr Pandeli Majko i cili shfaqet i menduar, ndërsa ministrat Gjiknuri dhe Ahmetaj diskutojnë në prani të Nikollës.

Foto nga seanca e sotme ne Kuvend

Me vazhdimin e seancës plenare të ditës së sotme, deputetët e Lëvizjes Socialiste për Integrim janë larguar nga salla. LSI u largua pas fjalës së zv/kryetarit të kësaj partie, Luan Ramës.

Rama mbajti një fjalë në Kuvend më herët, ku i kërkoi kryetarit të Parlamentit, Gramoz Ruçi, të mbledhë aktorët politikë që të zgjidhin problemet e Reformës në Drejtësi, mes tyre ngërçin e krijuar me Gjykatën Kushtetuese e cila pas nisjes së procesit të Vettingut ka ngelur me vetëm 2 anëtarë.

Kryetari i Parlamentit, Gramoz Ruçi, iu përgjigj kërkesës së Ramës se pritet përgjigja e PD-së.

Deputetët e LSI-së jashtë sallës së Kuvendit

Luan Rama: Gjykoj dhe insistoj se eshte i nevojshem takimin dhe dialogu i gjithe aktorëve parlamentarë në këtë moment. Kërkoj të investoheni ju si kryetar kuvendi që të zgjidhet problemi i implëmentimi të reformës në drejtësi

Ruci: Presim përgjigjen e grupit të PD për këtë dialog që ju kërkuat. Deri atëherë seanca vijon normalisht.

I pyetur nga gazetarët jashtë sallës së Kuvendit, pse LSI nuk u kujtua më herët për të bërë këtë propozim, Rama tha se për propozimet s’ka radhë apo kohë.

S’ka radhë për propozimet, mjafton të jenë funksionale. Kemi kërkuar prej kohësh që dialogu të jetë serioz dhe i vazhdueshëm. Jemi përballë një kolapsi institucional, është emergjencë kombëtare. Ligjin do e bëjnë bandat. Mungesa e Gjykatës Kushtetuese është skandaloze. Ne jemi pjesë e të njëjtës opozitë dhe misioni është kthimi i normalitetet i funksioneve Kushtetuese. Reforma në drejtësi është një sfidë kombëtare. Ne kemi kërkuar që dialogu në Kuvend duhet të jetë serioz.

Luan Rama, zv/kryetar i LSI-së

Deputeti i PS, Vullnet Sinaj u ka bërë thirrje të gjithë deputetëve të Kuvendit që të votojnë projektligjin për “kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”. Ai u shpreh se ligji është i domosdoshëm, ndërsa është në përputhje me standardet e BE dhe nuk ka asnjë efekt në buxhet.
Ligji është i domosdoshëm për transferimet ndërkombëtare në përputhje me rregulloren e BE. Në projektligj ka ndryshuar ligji i mëparshëm, duke përputhur me rregulloren e BE. Në nenin 11, janë parashikuar rastet e kontrollit shtetëror edhe për mallrat që nuk janë të listuar në listën e kontrollit, nëse ekziston një informacion. Parashikohet një risi me nenin 36, ku përcaktohet mënyra e bashkëpunimit në kontrollin doganor mbi licencat e lëshuara dhe vendimet e marra dhe kompetencën e doganës për të bllokuar mallrat, në ligjin e parë mungonte. Asnjë organ nuk e kishte parashikuar kompetencën për të marrë këtë vendim. Është parashikuar edhe thirrja e ekspertëve të huaj, kur rastet nuk mbulohen nga ekspertët vendas. Ligji është përfshirë në planin kombëtar të integrimit për politikën e kontrollit të transferimit të mallrave. Projektligji nuk ka efekte në buxhetin e shtetit. Ju ofroj që ta miratojmë të gjithë së bashku.

Deputeti i PS Vullnet Sinaj

Deputeti i PS, Vullnet Sinaj u ka bërë thirrje të gjithë deputetëve të Kuvendit që të votojnë projektligjin për “kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”. Ai u shpreh se ligji është i domosdoshëm, ndërsa është në përputhje me standardet e BE dhe nuk ka asnjë efekt në buxhet.

Ligji është i domosdoshëm për transferimet ndërkombëtare në përputhje me rregulloren e BE. Në projektligj ka ndryshuar ligji i mëparshëm, duke përputhur me rregulloren e BE. Në nenin 11, janë parashikuar rastet e kontrollit shtetëror edhe për mallrat që nuk janë të listuar në listën e kontrollit, nëse ekziston një informacion. Parashikohet një risi me nenin 36, ku përcaktohet mënyra e bashkëpunimit në kontrollin doganor mbi licencat e lëshuara dhe vendimet e marra dhe kompetencën e doganës për të bllokuar mallrat, në ligjin e parë mungonte. Asnjë organ nuk e kishte parashikuar kompetencën për të marrë këtë vendim. Është parashikuar edhe thirrja e ekspertëve të huaj, kur rastet nuk mbulohen nga ekspertët vendas. Ligji është përfshirë në planin kombëtar të integrimit për politikën e kontrollit të transferimit të mallrave. Projektligji nuk ka efekte në buxhetin e shtetit. Ju ofroj që ta miratojmë të gjithë së bashku.

Deputeti i PS Vullnet Sinaj

PD nuk ka qenë e pranishme në nisje të seancës së sotme, pasi deputetët e djathtë kanë zhvilluar një mbledhje grupi për strategjinë që do të ndjekin. Report Tv mëson se PD nuk ka regjistruar asnjë deputet për të diskutuar. Ndërkohë që edhe LSI, partia e dytë më e madhe në opozitë ka kërkuar 10 minuta pushim për mbledhje grupi.

Zv. Kryetari i LSI-së, Luan Rama ka marrë fjalën në fillim të seancës plenare duke deklaruar se LSI nuk do të votojë ligjin për magjistratët, pasi bie në kundërshtimin me Kushtetutën e re që Kuvendi votoi dy vite më parë. Ai u shpreh se kjo është një lëvizje e shumicës për të kapur sistemin. Gjithashtu Luan Rama i kërkoi Kuvendit që të mos marrë pushimet, por të zgjidhë cështjen e Gjykatës Kushtetuese. Kryetari i Kuvendit, Ruçi i ndërpreu fjalën deputetit të LSI, pasi kishte kaluar minutat e përcaktuara. Ai i kërkoi kryetarit të Kuvendit 2 minuta nga diskutanti i radhës nga LSI, por Ruçi nuk pranoi.

Me ndërhyrjen e ndërkombëtareve u bë e mundur që të miratohet paketa e reformës në drejtësi për të bërë të mundur që drejtësia të merrte vlerën e saj sikur i takon. Dy vjet më pas, sot meqë është edhe seanca e fundit duhet të bëhej një bilanc se çfarë po ndodh dhe ku kemi mbërritur me reformën në drejtësi. LSI e bindur që reforma në drejtësi duhej bërë, por mbi bazën e parimeve që ne sanksionuam me ndryshimet kushtetuese. Dy vite më pas bilanci është skandaloz, Shqipëria pa gjykatë Kushtetuese, të Lartë dhe shumë shpejt do të gjendet në kolaps total. Përgjegjësia është e të gjithë klasës politike. Nëse fjai është i opozitës, po dy vite pas, shumica nuk ndjen asnjë përgjegjësi, që vendi është në këtë situatë skandaloze? Për faj të arrogancës së vet dhe veprimeve të njëanshme jemi në zgrip të funksionimit të institucioneve. Duhet të kishte një reflektim për të zbardhur përgjegjësinë tonë. Po kush e krijoi problemin në Shkollën e Magjistraturës? Sot na kthehet ti kthejmë pushtet atij institucioni, që jo vetëm nuk i takon pushtet, por përgjegjësia kryesore me problemet që ka krijuar, KLD-ja. Ju na thoni ti japim jetë, qendrës më të korruptuar të sistemit të drejtësisë. Ligji parashikon që ky institucion nuk duhet të ekzistojë më. Apo ti japim autoritet vendimmarrjes prokurorit të përgjithshëm, sepse nuk projektuam hapat që duhet të ishin ndërmarrë. E gjitha ka qenë një skemë e organizuar për të kapur sistemin.

Luan Rama