GJIROKASTËR- Është zhvilluar ditën e sotme në fshatin Bularat të Gjirokastrës ceremonia e të 40-ave të minoritarit grek Konstandinos Kaçifas. Për të kryer homazhet në nder të tij, në varreza dhe në meshën e mbajtur në nder të tij kanë shkuar banorë të fshatit, nacionalistë të ardhur nga Greqia dhe deputeti i PBDNJ-së Vangjel Dule dhe ish-ministri i Punës dhe Çështjeve Sociale, Spiro Ksera.
Në qendër të fshatit kanë folur para mediave edhe familjarë të Kaçifas. Motra dhe kunati i tij kërkuan të vërtetën lidhur me vrasjen e 35-vjeçarit, ndërsa nëna e tij ka pasur një qëndrim më të ashpër duke u shprehur se ajo do të marrë hakun e tij.
Kontrolle të rrepta u ushtruan në pikën kufitare të Kakavijës, ku rreth 235 grekë, mes tyre 3 gazetarë, u ndaluar të hyjnë në Shqipëri. Një pjesë e tyre ishin në listën e personave 'non grata', ndërsa të tjerëve iu janë gjetur flamuj dhe sende fyese. Një ndër ta ka qënë Panajotis Savidis. (LEXO KËTU)
Të revoltuar që nuk mundën të hynin në Shqipëri, grekët për rreth një orë bllokuan anën greke duke shkaktuar edhe tensione me policinë kufitare.
Konstandinos Kaçifas u vra më 28 tetor pas një shkëmbimi me armë zjarri me forcat RENEA.(SHIKO KËTU) Për më shumë detaje nga ceremonia mortore e varrimit të Kaçifas (SHIKO KËTU), ndërsa për listën e personave 'non grata' të shpallur menjëherë pas ceremonisë së varrimit të tij. (LEXO KËTU)
Burime të Report Tv pranë policisë së Gjirokastrës bëjnë me dije që hyrja për në Greqi është zhbllokuar pasi 50 personat që kishin zënë rrugën janë larguar.
Tashmë në kufi ka një qarkullim normal. Nga Bularati janë larguar edhe shtetasit grekë që kishin ardhur nga vendi fqinj në nder të figurës së minoritarit të vrarë gjatë një shkëmbimi zjarri nga forcat RENEA.
KAKAVIJË- Shtetasit grek që u kthyen në pikën kufitare të Kakavijës kanë bllokuar në Greqi. Grekët kanë formuar një varg për të penguar kalimin e mjeteve dhe kanë kënduar himnin kombëtar. Disa herë ata kanë pasur edhe momente tensioni me policinsë. Disa prej grekëve të kthyer ishin pjesë e listës 'non grata', ndërsa të tjerëve iu janë gjetur flamuj dhe sende fyese.
Motra e minoritarit grek, Ermioni Kaçifas para mediave në qendër të Bularatit u shpreh se qeveria duhet të marrë përgjegjësi mbi ta.
“Duam të jetojmë në harmoni. Nuk po shikojmë që të ndodhë edhe nga ana e autoriteve shqiptare. Kërkojmë respekt. Nuk shikojmë të ndodhë kjo. Ta dëgjojnë të tërë, qeveria greke dhe Europa. Dikush duhet të marrë përgjegjësi. Turp!,”- tha motra e Kaçifas.
Këtë herë në qendër të Bularatit ka dalë edhe e ëma e minoritarit grek të vrarë nga forcat RENEA. Me flamur grek në dorë ajo ka folur greqisht para kamerave duke i premtuar të birit se do tja merrte ajo hakun.
“Do të bëhem si Xhaveli. Do të vras Edi Ramën. Më mori trimin tim. Psë ma vrau djalin? Nuk e dija që kisha lindur një trim të tillë. Ne duam drejtësi. Të çohem 10-15 si ti të pastojnë vendin. Do të ta marr unë gjakun biri im,”- tha Vasilia.
Thirrjet e nënës janë mbështetur nga të pranishmit, të cilët kanë përsëritur thirrjet: I pavdekshëm.
Në Bularat për të marrë pjesë në homazhet për Konstandinos Kaçifas kanë mbërritur edhe deputeti i PBDNJ-së Vangjel Dule dhe ish-ministri i Punës dhe Çështjeve Sociale, Spiro Ksera.
Kunati i Kaçifas, Vangelis Sekellarakis për mediat greke dhe shqiptare në Bularat është shprehur se Kaçifa kurrë nuk është drejtuar kundër një shqiptari.
“Atë ditë e ëma i tha që mos dil se do të të vrasin dhe ai i tha se nuk më vrasin se edhe ata një rrogë të vogël marrin. I bëj thirrje Ramës dhe Tsipras që të gjejnë një gjuhë të përbashkët. Turqia në rastin kontrekt po ndërhyn pa vend. Ne dhe Shqipëria jemi familje dhe e zgjidhim brenda nesh. S’ka nevojë për të tretë. Këtu nuk ndodhi asgjë. Por në kufi, policia ktheu gjithë ato njerëz dhe ne do të interesohemi për ta. Gjatë këtyre 40 ditëve kanë ardhur në fshat disa njerëz të veshur civile dhe kontrolluan shtëpitë e banorëv. Kërkon flamuj, a ku di unë se çfarë. Familjen e Kaçifas nuk e kanë bezdisur.”
Në fund të prononcimit të tij, Sekellarakis flet shqip për mediat duke thënë ‘faleminderit’.
Nacionalistë grekë të ardhur nga Greqia dhe banorë të Bularatit kanë vizituar varrin e minoritarit grek të vrarë gjatë shkëmbimit të zjarrit me forcat RENEA. Mesha në ndër të tij do të nisë në orën 11:00 në kishën ortodokse të fshatit.
Për mediat greke dhe shqiptare, një nënë ankohet se djalin e saj nuk e kanë lënë të hyjë në Shqipëri për të marrë pjesë në ceremoninë e të 40-ave të Kaçifas.
Ma morën djalin në Polici dhe e keqtrajtuan.
Nëna greke
BULARAT- Ka nisur mesha për ceremoninë e të 40-ave që nga dita e vrasjes së minoritarit grek Konstandinos Kaçifas.
KAKAVIJË- Gjatë kontrolleve të rrepta të ushtruara në pikën kufitare të Kakavijës, 103 grekë janë kthyer, mes tyre edhe tre gazetarë. Një pjesë e personave të kthyer ishin pjesë e listës “non-grata” ndërsa të tjerë kishin precedentë penalë.
Report TV është vendosur sot në pikën kufitare të Kavijës ku vihen re kontrollet e rrepta të policisë për elementë problematikë që duan të futen në Shqipëri për ceremoninë e të 40-tave të Konstandinos Kaçifas.
Komente
Lajme të tjera
-
Ministrja Kushi inspekton punimet në Shkollën e Mesme të Bashkuar në Dropull: Do jetë gati këtë shtator! Mirëpresim 100 nxënës dhe 15 mësues
1 Korrik 2023, 20:40 -
Tre vite nga vrasja e ekstremistit grek, familjarët përkujtojnë Kostandin Kacifas, i pranishëm edhe Vangjel Dule
23 Tetor 2021, 09:57 -
Festa kombëtare greke, ceremoni në Këlcyre e Bularat! Dule: Vrasja e Kacifas duhet të zbardhet nga drejtësia shqiptare! Vajzës që mbante flamurin shqiptar i bie të fikët (VIDEO)
28 Tetor 2020, 12:55 -
Me maska dhe flamurin grek/ Familja përkujton Konstandinos Kacifas në një ceremoni private: Po na helmojnë grekët dhe shqiptarët, ne duam drejtësi
24 Tetor 2020, 11:12
Po kjo bushtra qe polli ate kuliahin grek nuk e kap ligji qe del hapur do vras kryeministrin nuk e kap asnji ligj kte
Përgjigju100% dakort me Fredin.Terrorist i ndyre .
PërgjigjuOre gazetar pse nguron dhe pse ke frikë ta quash terrorist atë që qërroi policia? Pse nuk thua se: sot bëhet përkujtimore në nder të terroristit? Hahahahah!
PërgjigjuZbythje elegante dhe e mençur që u bën ministria jonë...tipik mirditor, kufirin te thana! Përshëndetje të përzemërta! Lëri të lehin tani!
PërgjigjuIshallah e ndjekin nga pas dhe ata te tjeret qe doni te vinin
Përgjigju