Rezultatet paraprake të zgjedhjeve në Greqi dëshmojnë për një fitore dërrmuese të partisë “Demokracia e Re” e kryeministrit aktual, Kyriakos Mitsotakis. Kjo parti ka marrë 41 për qind të votave, e ndjekur nga Syriza e Alexis Tsipra me 20 për qind, e më pas PASOK me 12.23 për qind të votave. Pjesën tjetër e kanë marrë 4 parti më të vogla. Informacionet e Ministrisë së Punëve të Brendshme, duket se është duke u formuar një Parlament pesëpartiak.
Pas rezultateve paraprake, Kyriakos Mitsotakis doli në një konferencë për mediat ku tha se qytetarët ia kanë besuar qeverisjen partisë “Demokracia e Re” Ai u zotua të ndjekë të gjitha procedurat e parashikuara nga Kushtetuta. Mitsotakis i përçoi një mesazh partisë së tij duke thënë se nuk do të tolerojë sjelljet arrogante.
Sipas parashikimeve të ligjit zgjedhor, sa më pak parti të hyjnë në Parlament, aq më shumë favorizohet partia e parë. Mundësia e dukshme e qeverisë, sipas rezultateve të exit poll-it, por edhe integrimit të rezultateve zyrtare, është ajo e një qeverisjeje të përbashkët “Demokracia e re”-PASOK , e cila po të mblidhen përqindjet e tyre mund të arrijnë në 52%. Një qeveri e dy partive mund të formojë një qeveri me mbështetjen e 156-161 deputetëve.
Është e sigurt se rezultatet e deritanishme, përveçse e bëjnë Kyriakos Mitsotakis politikanin absolut dominues, e riorganizojnë skenën politike. Janë 6 parti greke konkurrojnë në kto zgjedhje, ndërkohë që 7 prej kandidatëve për deputetë janë shqiptarë.
Pak orë para nisjes së procesit zgjedhor për zgjedhjet parlamentare në Greqi, pesë persona janë arrestuar në policia pasi u kapën duke blerë vota në fshatin Sovadhes të Kardhicës në Greqinë kontinentale.
Kreu i SYRIZA-s në Greqi, Alexis Tsipras ka pranuar humbjen dhe ka uruar për fitoren rivalin e tij të Demokracisë së Re, Kyriakos Mitsotakis.
"Rezultati zgjedhor është jashtëzakonisht negativ për SYRIZA-n. Unë kontaktova pak më parë me zotin Mitsotakis dhe e përgëzova për fitoren. Garat kanë edhe fitore edhe humbje. Organet tona kolektive do të mblidhen menjëherë për të vlerësuar rezultatet e zgjedhjeve.
Kyriakos Mitsotakis në deklaratat e tij pasi dolën rezultatet paraprake të zgjedhjeve parlamentare që u mbajtën sot, ai dhe partia e tij kryesojë në vota.
Në deklaratën e tij ai theksoi se qytetarët treguan vullnetin e tyre dhe i dhanë mundësinë partisë së tij për të vijuar në rrugën drejt progresit dhe reformave të mëdha.
“Për Demokracinë e Re votuan miliona qytetarë grekë. Rezultati i madh tregon vullnetin e njerëzve që na dhanë miratimin për një qeveri politike të vetë-mbështetur.Këtë kanë votuar sot dhe madje e kanë kërkuar prerazi. Dhe kërkuan diçka tjetër: Të ecim më shpejt në rrugën e progresit dhe reformave të mëdha. Për një shëndet më të mirë publik, më pak pabarazi, për një Greqi të fortë dhe të sigurt në nivel ndërkombëtar. Sot shpresa mundi kotësinë, uniteti mundi ndarjen. Më prek përgjegjësia e rëndë që kam mbi supe, përgjegjësi për të cilën jam thirrur të punoj edhe më shumë për të justifikuar besimin që më keni dhënë. Është një mandat i qartë për një periudhë të re katërvjeçare ku duhet të mbulojmë terrenin e humbur që na ndan nga Evropa. Unë do të jem i qëndrueshëm në angazhimet e mia. Nga nesër do të ndjek të gjitha procedurat e parashikuara në Kushtetutë. Pazaret partiake dhe matematika e proporcionalitetit të thjeshtë, dukej se nuk patën fat”, u shpreh kryeministri Mitsotakis.
Në Greqi janë publikuar rezultate paraprake të zgjedhjeve, ku partia Demokracia e Re e kryeministrit aktual kryeson me 41% të votave. Demokracia e re fiton me afro 21% diferencë nga SYRIZA.
Konkretisht, rezultatet e zgjedhjeve të vitit 2023 janë si më poshtë:
Demokracia e Re 40.86%
SYRIZA 20.1%
PASOK 12.05%
KKE 7,01%
Zgjidhja greke 4.5%
Zgjedhjet në Greqi janë mbyllur dhe janë publikuar edhe exit poll-et e para menjëherë pas mbylljes së qendrave të votimit në orën 19:00 me orën lokale.
Exit poll-i i përbashkët i miratuar nga të gjitha kompanitë e sondazheve dhe të gjitha stacionet televizive tregon se epërsinë e partisë Demokracia e Re të kryeministrit aktual Mitsotakis kundrejt partisë SYRIZA të Tsipras. Demokracia e Re sipas rezultateve të Exit poll është 11% para SYRIZA.
Sipas exit poll-it të përbashkët, Demokracia e Re pritet të marrë nga 36% deri në 40%. SYRIZA po lëviz në nivele shumë më të ulëta nga 25% në 29%.
PASOK/Lëvizja për Ndryshim del si forcë e tretë me përqindje nga 9.5% në 12.5%. KKE nga 6% në 8%, Zgjidhja greke nga 3.5% deri në 5.5%.
Një fermer 50-vjeçar i shoqëruar nga kali dhe gomari i tij, ka shkuar në qendrën e votimit për të shprehur vullnetin përmes votës, në zgjedhjet parlamentare që po mbahen sot në Greqi.
Një fermer është shfaqur në një qendër votimi në Nafplion së bashku me kalin dhe gomarin e tij.Në foto duket fermeri i cili është mbi kalë dhe po bëhet gati të ulet në oborrin e shkollës së mesme ku po mbahen votimet.
Qytetarët grek i janë drejtuar sot qendrave të votimit dhe kutive për të vendosur me votën e tyre për qeverinë që do i udhëheqë në 4 vitet në vijim, por duket se në qendrat e votimit nuk janë shfaqur vetëm njerëzit.
Kryeministri i Greqisë, Kyriakos Mitsotakis ka shkuar të votojë së bashku me fëmijet e tij në kuadër të zgjedhjeve në vend. Ai shprehu besimin se e ardhmja do jetë më e mirë.
“Sot votojmë për të ardhmen tonë. Ne votojmë për paga më të larta, votojmë për më shumë dhe punë më të mira.
Ne po votojmë për një sistem shëndetësor kombëtar më efikas, për një shoqëri me më pak pabarazi, për një atdhe më të fortë, me një rol të rëndësishëm në Evropë, me kufij të mbrojtur.
Zgjedhjet janë festa e demokracisë. Sot përgjegjësia për qeverisjen e vendit ju kalon ju qytetarëve, por jam absolutisht i sigurt se nesër do të gdhijë një ditë edhe më e mirë për vendin tonë”,-tha Mitsotakis.
Pak orë para nisjes së procesit zgjedhor për zgjedhjet parlamentare në Greqi, pesë persona janë arrestuar në policia pasi u kapën duke blerë vota në fshatin Sovadhes të Kardhicës në Greqinë kontinentale.
Mediat grekë bejnë me dije pesë të arrestuarit i përkasin komunitetit rom dhe janë kapur në flagrancë me 197 karta identiteti dhe 114 zarfe me fletën e votimit për një kandidat të caktuar.
Brenda çantës ku mbanin zarfet, është gjetur shuma prej 6060 eurosh.
Lajme të tjera
-
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
VIDEO/ Aksident i rëndë në Athinë, përplasen 2 motorë, vdes 18 vjeçari shqiptar, shpëton adoleshenti grek
12 Nëntor, 18:17 -
Trump bisedë telefonike me kryeministrin grek Mitsotakis! Qeveria greke: Në fokus bashkëpunimi mes dy vendeve
12 Nëntor, 12:53 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Rama i quajti forcat e reja politike nga Selaniku si ‘maska e Sudes’, Kulluri: Të trajnohet si ‘roje arash koperative’, ja fshinë dardhat shokët e s’mbeti gjë për njerëzit
3 Nëntor, 14:51 -
Spahiu: Rama, kryeministri i parë në 80 vite që tubohet me diasporën në çdo qytet të BE dhe SHBA! E turpshme që opozita mbajti krahun e Greqisë dhe jo gazetarëve shqiptarë
3 Nëntor, 12:36 -
Rama takim me shqiptarët në Selanik, mediat greke: Nacionalistët dolën në protestën kundër tij
3 Nëntor, 11:10 -
Edi Rama nga Selaniku: Vorio Epiri ka vdekur, këto ditë më kërcënuan, janë fosile! Dua votën tuaj, ta integrojmë Shqipërinë në BE! Drejtësia e çliruar nga duart e pushtetit politik
3 Nëntor, 07:28 -
Po shkonin në Selanik për të ndjekur live takimin e Ramës me diasporën, gazetarët shqiptarë bllokohen për 3 orë në Kapshticë nga pala greke
2 Nëntor, 19:57 -
Balla takim me studentë dhe profesionistë shqiptarë në Selanik: Shqipëria, tërheqëse edhe në aspektin ekonomik
2 Nëntor, 18:34
