Mbi 50 veta në qeli, e qindra në pritje të një kafshate buke. Njeriu mblidhet strumbullar, e kur dhimbjet e ndëshkimeve mpihen, përpiqet të mbyllë sytë. Nuk është Aushvici që përshkruan, Primo Levi, por përballë këtyre imazheve, lind pyetja: “A është, vallë, njeri…?” Mikut të Vaçe Zelës, tanimë duart i janë paralizuar. E ka të vështirë të luajë me kitarën dhuratë të këngëtares, që i ngushëllonte në ato skuta që i përgjanin ferrit.
“Na priste puna, na priste lodhja dhe duhet të rezistonim shpirtërisht dhe mendërisht”, tregon ish i burgosuri Gëzim Çela.
"Jeta e të burgosurve në kamp-burgun e Spaçit" shpaloset përmes më shumë se 50 grafikave. Janë ndërtuar mbi rrëfimet e të gjallëve, që gazetarja Admirina Peçi ka intervistuar, e ekspozohen në kuadër të “Ditëve të kujtesës”.
“Duke parë se burgu i Spaçit po degradon vit pas viti dhe gjurmët kanë filluar të zhbëhen, e pamë emergjente që të skiconim atë që kishte mbetur atje, dhe ta plotësonim me memorien e të mbijetuarve të Spaçit, të cilëve u kemi marrë shumë kujtime”, shprehet ideatorja dhe drejtuesja e projektit Admirina Peçi.
Artistja Ina Elezi i ka ‘gdhendur’ vizualisht këto dëshmi, që edhe para saj, shpalosën një realitet sa të panjohur aq edhe tronditës. Seritë e saj të skicave, mbartin në vetvete një qëllim kryesor.
“Qëllimi im është që edhe moshatarët e mi, brezi i ri të kenë të pasqyruar sa më mirë dhimbjen edhe trishtimin e pafund të asaj kohe”, thotë artistja.
Të tjera aspekte të jetës së përditshme të të burgosurve, do të shpalosen në vijim të projektit, i cili mbështetet nga Kujto.al dhe Fondacioni “Konrad Adenauer”.
SI.E./KT/Shqiptarja.com
Sondazhi i ditës:
Joe Biden tërhiqet nga gara presidenciale në SHBA, si e vlerësoni?
-
Të drejtë
86.2%
-
Të gabuar
3.7%
-
S'më intereson
10.1%
Vota total: 625
Votat totale janë unike
Lajme të tjera
-
'Koha për t’u kthyer në shtëpi', dokumentari i Admirina Peçit, një zë universal për fatin tragjik të 35.000 çamëve
24 Qershor, 17:43
-
Me emra dhe vende! Dëshmitë rrëqethëse të të mbijetuarve/ Dokumentari i Admirina Peçit për gjenocidin çam
13 Qershor, 15:19
-
‘Koha për t’u kthyer në shtëpi!’ Projekti 100 vjeçar i spastrimit etnik, dëshmi unike të vuajtjeve të çamëve e genocidi grek! Premierë më 12 qershor në Kinema 'Millenium'
9 Qershor, 21:08
-
51 vjetori i revoltës së Spaçit, Basha: Drodhi themelet e regjimit! Ishin të vetmit njerëz të lirë në një Shqipëri të robëruar
21 Maj, 11:31
-
Dritë mbi Spaç, Autoriteti i Dosjeve vjen me botime për të rritur dhe fëmijë
21 Maj, 08:57
-
Ish-kamp burgu i Spaçit, debati në prezantimin e Planit të Menaxhimit: Pse Muzeu në autostradë?! Hartuesit: Kështu ndodh edhe jashtë shtetit!
2 Maj, 16:49
-
'Projektova burgun e Spaçit', arkitekti i revoltuar në prezantim të planit te Menaxhimit: Shfrytëzoni Arkivat
2 Maj, 12:42
-
Art me historitë e ish të burgosurve në Spaç, hapet ekspozita me skulptura dhe kukulla artizane!
14 Prill, 18:01
-
Dosja K/ Zef Sokol Vladaj, jetimi 3 vjeçar në burg me stërgjyshin 90 vjeç dhe vrasja misterioze e të atit
2 Prill, 20:10
-
Edison Ypi: Hasie dhe Spaç
22 Mars, 15:21
-
Dosja K/ ‘Vetëvrasja si shpëtim nga torturat e tmerrshme të hetuesisë’, dorëshkrimet e Ernesto Krajës! U burgos nga regjimi
9 Janar, 21:56
-
Ngjarje dhe personazhe të panjohur të burgut të Spaçit: Ahmet Hoxha, pasi kishte vuajtur 20 vite, duke u arratisur dy herë, të tretën bashkë me Sali Çakon arriti deri në kufi, por…
8 Dhjetor 2023, 07:36