Spahia kërkoi shpalljen e gjendjes së emergjencës, Peleshi në Report Tv: Të përdorë fondin që është për këto situata! S’ka nevojë për status

 

Ministri i Mbrojtjes, Niko Peleshi nga Shkodra i ka kthyer Bardh Spahisë, kryebashkiakut të Shkodrës i cili kërkoi të shpallej gjendja e emergjencës. Në një lidhje live në “Sot Live në Shqipëri” me gazetarët Migena Sotiri dhe Nertil Agalliu, Peleshi tha se kjo ëhstë një deklaratë që nuk përbën sens, për shkak se Bashkia e ka në dispozicion një fond emergjence dhe Spahia nuk ka nevojë për një status që t’i përdorë këto para për qytetarët.

“Nuk kemi ca presim, presioni i partisë dhe politik i detyron të dalë nga vetja, nuk bëhet fjalë për trajtim politika apo papërgjegjshmëri. Ligji i jep të drejtën që fondin e kushtëzuar të përdorur për emergjencat ta përdor, nëse mbaron fondi ne kemi fondi tonë nga emergjencat civile, nuk na pengon një status për t’i përdorur”, tha Peleshi.

LEXO EDHE:
Moti i keq në Durrës, ndalohet lundrimi mjeteve të vogla të peshkimit

Ai tha se në terren janë të gjithë ku po punojnë për t’iu ardhur në ndihmë banorëve.

“Mjetet janë në hyrje të Obotit, sapo marrim një nevojë të një banori për të shkuar për të marrëe furnizime, ne e realizojmë me shpejtësi të madhe, sapo të tërhiqet uji do hapet dhe rruga, se kjo nuk është në dorën dorë. Nëse këtu në harkun e Bërdicës nuk ka prezencë uji, kjo do të thotë që nuk ka prurje drejt fushës së Obotit dhe tërheqja do të vijë me shpejtësi m ëtë ulët se është gropë, banorët e njohin këtë zonë, i kanë marrë masat, po bashkëpunojnë, pushteti vendor dhe njësia administrative po bashkëpunojnë, nuk ka krahasim me 2010, ka qenë skena më e frikshme, që nuk ka qenë vetëm për kushtet e natyrës, por edhe menaxhimi i situatës”, tha Peleshi.

Lajmi kryesor:

Moti i keq/ Përmirësohet situata në Lezhë e Shkodër! Mbi 4 mijë hektarë tokë e qindra banesa nën ujë! Janë evakuuar 318 banorë (Video)

B.K./r.k./Shqiptarja.com

TAG:
• moti i keq
• permbytje
• reshje shiu