Spahiu: Çudia zgjat 3 ditë / Do nxjerrin Ahmetjan, të zhurmojë dhe populli të harroj pazarin Berisha-Rama

Duke komentuar votimin e Kuvendit për Kodin e Ri Zgjedhor, juristi Kreshnik Spahiu në një intervistë për Report Tv, u shpreh se qeveria dhe opozita do të krijojnë një ngjarje në mënyrë që kjo marrëveshje të harrohet. Sipas Spahiut, do të nxjerrin Arben Ahmetajn, që të zhurmojë dhe populli të harrojë pazarin Berisha-Rama.

‘Rama dhe Berisha po shfrytëzojnë mungesën e ambasadorit të SHBA-së dhe ka krijuar nja vakum jo vetëm me qëndrime diplomatike të ambasadës së SHBA-së, por edhe të ambasadave të tjera. Berisha dhe Rama po e shfrytëzojnë këtë vakum. DASH dhe Uashington s’do ta falin këtë marrëveshje mes Ramës dhe Berishës non grata. Ndërkombëtarët nuk mund të pranojnë lista të mbyllura. Këta duan të krijojnë ngjarje dhe skandale që çudia të zgjasë 3 ditë.

Do nxjerrin Ahmetajn që të zhurmojë dhe populli të harrojë pazarin Berisha-Rama. Nëpërmjet një skandali qa ta hapin, zhvendosin vëmendjen e publikut me qëllim që të ulet presioni i brendshëm dhe ai ndërkombëtar.’- tha Spahiu.

LEXO EDHE:
Alibeaj kërkesë Presidentit Begaj: Mos dekreto ndryshimet në Kodin Zgjedhor, me listën e mbyllur do zgjidhen deputetë të privilegjuarit e kryetarëve

 

Lajmi kryesor:

Spahiu: Teatër komik! Rama ka marrë peng Berishën dhe e përdor si gogol për të trembur amerikanët

M.Q./SI.E./Shqiptarja.com

TAG:
• reforma zgjedhore
• Kreshnik Spahiu