Juristi Kreshnik Spahiu komentoi në Studio Live për Arbër Hitajn pasditen e sotme protestën e opozitës më 7 tetor.
Spahiu mori në shqyrtim edhe deklaratat e forta të përfaqësuesit të CDU-së gjermane në PPE, Krichbaum që u shpreh se Berisha me akuzat që ka duhej të ishte në burg.
Sipas Spahiut, mesazhi është i qartë, se PD rrezikon shkrirjen pas zgjedhjeve të 2025 nëse në krye mbetet ende Sali Berisha.
'PD i ka mbetur ura e fundit. Ka shkatërruar urat me SHBA dhe Britani. Ura e fundit anëtarësimi në PPE. Ende konsiderojnë një shpres që kjo parti të mbijetojë pa Sali Berishën. Mesazhi i CDU ishte i qartë: Largoni Sali Berisha përndryshe kjo parti shkon në shpërbërje. I njëjtë me Yuri Kim që largoni liderin e vjetër. Lideri i CDU shkoi më tej se duhej të ishte në burg. Këto parti popullore, ndoshta nuk do ndërhyjnë para zgjedhjeve, ashtu si SHBA shpallën statusin non grata dy javë pas zgjedhjeve. Pas zgjedhjeve do të vënë në konsiderat përjashtimin e saj nga anëtarësimi europian.'
Më tej Spahiu krahasoi veprimet gjatë protestës së PD-së me ato veprime të ultrasve të futbollit pas një ndeshjeje derbi, si psh. ultrasit e Tiranës apo Partizanit.
'Në fakt ajo ishte protesta më e vogël, më e dobët, më e paorganizuar, më e dështuara në historinë e protestave të demokratëve. Ajo i përngjan reagimit pas ndeshjeve të grupimeve të ultrasve të Partizanit apo Tiranës.
Që djegin pemë, thyejnë xhama apo godasin me fishekzjarrë. Nuk ka fare lidhje me konceptin politik të mosbindjes civile. Do të thotë të mos njohësh institucionet. Ka ndodhur në vitin 1991, gjithë Shqipëria u fut në grevë. Ka ndodhur dhe në 97 ku e rrëzuan me dhunë pushtetin.'
Juristi Kreshnik Spahiu e sheh si pozitive vizitën e nesërme të presidentit turk Erdogan në Tiranë i cili do të inaugurojë edhe xhaminë e Namazgjasë.
Më tej ai thekson në Studio Live se PS dhe Rama kanë partneritet të fortë me qeverinë turke, ndryshe nga Berisha që ka aleate Athinën dhe Greqinë.
'Vizita e liderit turk është shumë e rëndësishme. Qartazi qeverisja në Shqipëri ka të përcaktuar që aleati dhe partneri strategjik i të majtës është Erdogan, ndërsa i Berishës dhe PD është Athina. Socialistët janë të përcaktuar në një partneritet me Turqinë edhe prej influencës që ka Turqia mes lindjes dhe perëndimit. Roli i Turqisë është determinant. Pas 34 vitesh vihet në vendi dinjiteti i besimtarëve myslimanë. Pas shumë pengesave të qeverisë Berisha apo Nano, që penguan dhënien e lejes për xhaminë e Namazgjasë.'
Sipas Kreshnik Spahiut hapja e xhamisë së Namazgjasë ditën e nesërme në Tiranë do të balancoj besimtarët e feve të krishtera dhe myslimane. Kjo pasi thekson Spahiu, besimtarët e krishterë kanë katedrale në kryeqytet ndërsa myslimanët nuk kishin një xhami të madhe për të zhvilluar ceremonitë e tyre fetare.
'Balancohen në të drejtën e besimit me besimtarët e krishterë që kishin katedralet katolike dhe ortodokse. Janë shumë të domosdoshme për Shqipërinë kur ata prezantohen në qendër të Tiranës. I tregohet turistëve harmonia fetare. Nga ana tjetër, është shumë e rëndësishme që u zhbllokuar donacioni më e rëndësishme që jepte qeveria e Erdogan në Shqipëri. Ka qenë debat i gjatë. Erdogan nuk pranonte që investim i tij të menaxhohej nga kundërshtarët e tij aleatët e Gulenit. Deklaratat e KMSH ishte pozitive ndaj Edi Ramës dhe Erdogan. Është gjetur rrugë e mesme, që të xhamia të drejtohet nga imami i Tiranës, Bilal Teqja që nuk përfaqëson as Erdogan dhe Gulen.'
Juristi Kreshnik Spahiu komentoi aktet e dhunës në protestën e PD-së të hënën. Sipas tij hedhjet e fishekzjarreve dhe thyerja e xhamava ngjason me veprimet e ultrasve të futbollit pas një ndeshje derbi, si ajo mes Tiranës dhe Partizanit. Për të ato veprime nuk kanë lidhje me veprime politike të një partie që shpall si aksion mosbindjen civile.
'Me një fjali: Kur popullit i rrit pritshmëri vjen një zhgënjim. Erdhi në radhë të parë tek elektorati. Prisnin protestën më gjigande në histori, që do rrëzonte regjimin. Në fakt ajo ishte protesta më e vogël, më e dobët, më e paorganizuar, më e dështuara në historinë e protestave të demokratëve. Ajo i përngjan reagimit pas ndeshjeve të grupimeve të ultrasve të Partizanit apo Tiranës.
Që djegin pemë, thyejnë xhama apo godasin me fishekzjarrë. Nuk ka fare lidhje me konceptin politik të mosbindjes civile. Do të thotë të mos njohësh institucionet. Ka ndodhur në vitin 1991, gjithë Shqipëria u fut në grevë. Ka ndodhur dhe në 97 ku e rrëzuan me dhunë pushtetin. Të dalin 3 mijë persona të bëjnë xhiro të përdorin fishekzjarrë, nuk ka lidhje me institucionet që ishin të mbyllura. Gjithë administrata dhe drejtuesit ishin në shtëpi duke parë shou. Ose ishte një teatër dhe lojë, por në thelb i kanë hapur krahun kundërshtarit.'
Lajme të tjera
-
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Sali Berisha: Do heqim mesataren për pranimin në universitete! Studentët do marrin 200 euro çdo muaj
17 Dhjetor, 22:51 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Spahiu: Mesazhi i SHBA shuplakë për socialistët, sepse janë të tronditur nga bashkëpunimi tyre me Berishën
17 Dhjetor, 20:04 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43
