SPAK kërkoi ‘arrest shtëpie’ me mbikëqyrje policore, avokati i Berishës: E paligjshme, po e bëjnë për hakmarrje

 

SPAK ka kërkuar që Sali Berisha duhet të ruhet me policë tek dera në momentin që do të jetë në arrest shtëpie. Kjo masë është për të parandaluar mundësinë që ish-kryeministri të largohet nga shtëpia. Për avokatin e ish-kryeministrit Genc Gjokutaj kjo masë është e pa argumentuar dhe se po bëhet për t'u hakmarrë.

“Masa e sigurisë është kërkuar me mbikëqyrje policore, e pa mbështetur në ligj. Kjo tregon se nuk po bëhet proces i ligjshëm, por për t’u hakmarrë. Kjo është e paparashikuar në ligj. Në asnjë rast ligji nuk parashikon mbikëqyrje policore. Arresti shtëpiak është detyrimi ndaj atij që vendoset. Kjo që thoni ju është për persona që u kanë skaduar afatet e paraburgimit, që janë me rrezikshmëri. Kjo nuk mund të krahasohet me zotin Berisha. Për këtë nuk kishte argumente” tha ai.

LEXO EDHE:
Veliaj në SPAK, deputeti i PS: Mbështesim institucionet e pavarura! Beqiri: Protesta para prokurorisë, e dënueshme! Kthupi: Lajm i mirë që u thirr nga drejtësia

Por ku do ta vuajë masën e sigurisë Berisha? “SPAK ka kërkuar që të bëhet në shtëpi. Nuk kemi paraqitur kërkesë, kur ta paraqesim do u njoftojmë” tha avokati.

Lajmi kryesor:

‘Partizani’/ SPAK kërkon 'arrest shtëpie' për Berishën: Të ruhet me policë te dera! GJKKO vendos nesër! Avokatët kërkojnë përjashtimin e gjyqtares Gjoka

M.Q./KT/Shqiptarja.com

TAG:
• Irena Gjoka
• spak heton partizanin
• sali berisha
• spak
• GJKKO