Hetimi pasuror i nisur nga Prokuroria e Posaçme ndaj grupit kriminal të Erzen Breçanit, djalit të tij Eralbit, të kërkuarit Ervin Mata dhe personave të tjerë të përfshirë në trafik droge, grup kriminal e krijim kushtesh për vrasje, po vijon me mbledhjen e të dhënave për bizneset dhe pronat e luajtshme dhe të paluajtshme. Përveç emrave të 11 personave të përfshirë direkt në hetim, 4 nga të cilët janë arrestuar dhe 7 që janë në kërkim, SPAK tha se po verifikon pasurinë e familjarëve të tyre dhe të këngëtares Elvana Gjata e cila përmendet në dosje për përdorimin e llogarisë së saj bankare nga Ervin Mata.
Ky i fundit ka kryer biseda në Sky ECC për trafikim droge në disa episode ndërkohë që nuk rezulton të ketë në emër të tij ndonjë biznes. SPAK po verifikon emrat e familjarëve ndërkohë Erzen Breçani rezulton i lidhur me dy kompani. Subjekti HEC DRITA ENERGY, me administrator Eralbi Breçani, i përgjuar direkt në biseda për trafik kokaine dhe transaksione financiare, është themeluar në 23 shtator 2019 me objekt aktiviteti ndërtimi, shfrytëzimi dhe administrimi i Hidrocentralit “DRITA”, deri tek shitja e energjisë.
Punimet në Lumin e Gashit, Bashkia Tropojë, janë bërë me leje ndërtimi të dhënë nga KKT, në datë 12.07.2019. Veprimet e fundit të HEC, janë kryer më 23 korrik 2023, dhe që prej datës 15 mars 2022 subjekti është i pezulluar. Subjekti ka dalë me humbje që nga viti 2019, deri në vitin 2022 duke raportuar aktivitet negativ. Ligjërisht mbetet e paqartë me çfarë janë përballuar humbjet e HEC-it ndërkohë që në faqet 84 dhe 85 të dosjes së SPAK, Erzen Breçani është përgjuar teksa bisedon me djalin e tij për shuma që i nevojiteshin nga 300 deri në 500 mijë euro për përballimin e shpenzimeve, madje, në një bisedë, tregon se kishte edhe probleme me pagat e punëtorëve.
Në faqen 87 SPAK citon Erzen Breçanin t’i thotë djalit se i duhen 300 mijë euro për turbinat dhe e pyet nëse do të vonohen paratë në mënyrë që ti thotë administratorit Fatbardh Breçani të marrë kredi. Kompania që ka në pronësi HEC-in që po ndërtonte Erzen Breçani është shoqëria e sigurisë Breçani R.O.S.P, e themeluar më 6 prill 2005. Kjo e fundit ka si objekt të aktivitetit shërbimin e ruajtjes dhe i sigurisë fizike të personave dhe objekteve dhe transportimin e vlerave monetare e sendeve të çmuara. Administrator i saj është Fatbardh Breçani, vëllai i Erzen Breçanit, i cili rezulton i punësuar aty, sipas verifikimeve që SPAK ka kryer në sistemin e Tatimeve.
Nga viti 2012 deri në vitin 2019, ky subjekt ka bilanc pozitiv ndërkohë që për vitin e kaluar në bilanc ka një fitim prej 36 milionë lekë. Disa nga të ardhurat e kompanisë në periudhën 2019-2023, janë krijuar edhe përmes pagesave nga buxheti i shtetit, siç është shërbimi për kamera sigurie në Fakultetin e Shkencave Pyjore, 98 mijë lekë në shtator 2023, ruajtje objekti tek Klubi Tirana në vitin 2021, për pagesën 99 mijë lekë, dhe zhvendosje kasaforte për Shkollën e Magjistraturës, në mars 2020, kundrejt pagesës 120 mijë lekë.
Më herët në vitet 2012-2013, kompania Breçani R.O.S.P ka përfituar 17 pagesa nga Drejtoria e Përgjithshme e Tatimeve, për shërbimin roje private objekti. Kjo shoqëri rezulton pjesëmarrëse në tendera dhe procedura të tjera publike për ruajtje dhe shërbime sigurie në disa institucione të tjera shtetërore.
Komente
Lajme të tjera
-
Donte të vriste vëllezërit Nela për hakmarrje! GJKKO lë në burg Ismail Zenelin! Pjesë e grupit të trafikut të drogës të Ervin Matës e Eralbi Breçanit
24 Gusht, 14:10
-
Donte të vriste vëllezërit Nela për hakmarrje! Ekstradohet nga Spanja Ismail Zeneli! Pjesë e grupit të trafikut të drogës të Ervin Matës e Eralbi Breçanit
23 Gusht, 08:51 -
Gati të gjitha akuzat: Trafik droge, pastrim parash e tentativë vrasjeje! SPAK dërgon për gjykim dosjen e Erzen Breçanit, ish-shefit të Krimeve dhe 9 të tjerë
7 Gusht, 11:20 -
U arrestua me Erzen Breçanin, GJKKO lë në burg Bujar Ajetin! Nuk pranon t'i ndryshojë masën e sigurisë
29 Korrik, 14:13 -
SPAK i komunikon akuzën Erzen Breçanit dhe grupit të tij! Ish-drejtori i Policisë së Tiranës dyshohet e paratë e drogës së të birit i investoi me HEC-et në Tropojë
25 Korrik, 12:45 -
‘Metamorfoza’/ Lirohet nga qelia Erzen Breçani, Apeli i GJKKO e lë në arrest shtëpie
16 Korrik, 10:30
-
Vuan nga zemra dhe klaustrofobia, Erzen Breçani kërkon të lirohet nga paraburgimi, GJKKO refuzon
31 Maj, 11:18
-
Kërkuan ndryshimin e masës së sigurisë, Gjykata e Lartë lë në burg Erzen Breçanin, Dedan Gjonin dhe dy tjerë
28 Maj, 17:05 -
Franca zbërthen SKYECC, zbulohet konflikti i Ervin Matës me nipin e ish-deputetit Rraja
28 Maj, 16:21
-
SPAK identifikon autorët e shpërthimit tek hotel 'Victoria', Tiranë, pronë e babait të Ervin Matës! Nipi i ish deputetit PS Rraja bashkëpunoi me Dervishaj e Meçaj
28 Maj, 10:14 -
Atentati ndaj Arjan Ndojës, SPAK çon për gjykim porositësin Plaurent Dervishaj dhe 8 anëtarët e bandës! Edhe 2 planet e tjera për vrasjen e ish-prokurorit dhe Rrumit të Shijakut
28 Maj, 09:59 -
'Ka fobi ambientet e mbyllura', GJKKO pranon kërkesën e avokatëve të Erzen Breçanit, cakton mjekët për të kryer ekspertizën
23 Shkurt, 15:14
Saimir tahiri u denua pse dy persona thane kam kusheririn qe na mbron apo dicka e till Po brecani sa do debohet pse foli me te birin
Përgjigjubravo bush se asgje sdo ju bejne thjeshte formalitete sa te justifikojne europen albanistan hesapi
Përgjigju