Ish-presidenti Bamir Topi në një intervistë për ‘Repolitix’ me gazetarin Denis Minga në Report Tv e cilësoi si ‘korrekt’ vendimin e marrë sot nga Gjykata e Lartë që urdhëron SPAK-un të hetojë 21 janarin e vitit 2011 ku u vranë 4 protestues para kryeministrisë së drejtuar nga Sali Berisha.
Topi tha se SPAK duhet të hellohet edhe më shumë në hetime, duke marrë nën hetim situatën e krijuar para ngjarjes, vrasjen e protestuesve dhe plagosjen e të tjerëve dhe në fund veprimet që u bënë nga qeveria e kohës për të penguar prokurorinë.
“Një çështje kaq e rëndësishme si 21 janari ka nevojë të thellohet në hetim. Pa dashur të ndikoj sadopak edhe në këtë pozicion që jam. Duke u kthyer te 21 janari mendoj se ajo ngjarje aq e rëndë ka nevojë të hetohet dhe gjykohet në 360 gradë. Do të thotë jo thjesht në hallkën fundore por duket parë që në fillesat me situatën që i parapriu, 21 janarin dhe situata pas 21 janarit. Nuk bëhet fjalë vetëm për harkun kohor të disa orëve ku u zhvillua demonstrata dhe ku u vranë disa njerëz.
Kush ishin organizatorët, pse u përshkallëzua në dhunë, pse u tërhoqën ata të cilët e organizuan dhe pastaj pjesa tjetër e të gjithë atyre që urdhëruan vrasjen apo më mirë të themi urdhëruan gjuajtjen me armë tek njerëzit sepse nuk ishin thjesht ata që u vranë por edhe shumë të plagosur. Për të ardhur pastaj tek goditja tepër e rëndë e institucionit të shtetit, tek pengimi që i është bërë prokurorisë për të marrë provat. Për atë pengesë që iu bë prokurorisë për të mos marrë në pyetje zinxhirin komandues të gardës”- u shpreh ish-presidenti.
Ai foli edhe për një diskutim që ka patur me Lulzim Bashës për ngjarjen e rëndë, por pa zbuluar detaje. Topi theksoi se asokohe pati një mbulesë të qartë politike nga ana e qeverisë së Berishës.
“Unë do e lë në interpretim të përgjithshëm sepse kjo çështje do hetohet. Gjithçka që është shkruar, është shkruar më shumë kujdes dhe nuk mund të futem në detaje. Diskutuam për situatën. Situata ishte jashtëzakonisht e rëndë. Thirrjes së prokurores së përgjithshme që krerët e zinxhirit komandues të Gardës të merreshin në pyetje e të dëshmonin dhe kësaj nuk iu përgjigjën. Në atë kohë ka pasur një mbulesë politike nga kryeministri”- u shpreh Topi.
Ish-presidenti Bamir Topi në një intervistë për ‘Repolitix’ me gazetarin Denis Minga e cilësoi komisionin hetimor të ngritur nga qeveria e Berishës për '21 janarin', si një ‘turp’.
Topi i cili asokohe u akuzua nga Berisha si pjesë e ‘grushtit të shtetit’ ndaj qeverisë, tha se është i vetmi komision hetimor për të cilin nuk është dalë me asnjë raport përfundimtar dhe ende qëndron në arkivën e Kuvendit.
“Unë besoj se ngritja e komisionit hetimor parlamentar, për turpin e tyre! Një komision që është i vetmi në historinë e parlamentit shqiptar që nuk e ka mbyllur punën e tij, nuk është dorëzuar raport. Ai ende qëndron në arkivën e parlamentit të Shqipërisë. Çudia e madhe, nga 2013-ta që ndodhi rotacioni deri në 2024-ën, asnjëherë nuk është rimarrë debati politik për çështjen e 21 janarit”- tha Topi.
Lajme të tjera
-
Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
24 Dhjetor, 13:12 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27
