Spanjë-Itali dhe Uruguai-Brazil do të jenë dy gjysmëfinalet e Kupës së Konfederatave.

Spanja me formacion pothuajse të plotë ndaj nigerianëve tregoi dhe njëherë një futboll dominues në fushë, në minutën e tretë Jordi Alba shënoi golin e avantazhit.

Afrikanët u përpoqën të japin shenja jete, por nuk ishin shumë të saktë në finalizim, gjë që nuk duhet të ndodhë ndaj iberikëve.

Më pas Torres dhe Jordi Alba përsëri i japin fitoren 3-0 spanjollëve që e shohin veten në gjysmëfinale. Uruguai mundi Tahitin me rezultatin 8-0.

Golat janë shënuar katër nga Hernandez, dy nga Suarez, një Loderio dhe një Perez.