Spanjë, zbulohet një 'shtëpi bari' në Almeria, arrestohen 2 shqiptarë, sekuestrohen 180 kg lëndë narkotike

Spanjë, zbulohet një 'shtëpi bari' në Almeria, arrestohen 2 shqiptarë, sekuestrohen 180 kg lëndë narkotike

Guardia civil me lëndën e sekuestruar

SPANJË - Garda Civile e Komandës së Almerisë zbuloi një shtëpi prej gati 700 m2 e cila përdorej si çerdhe droge. Tre persona u arrestuan dhe u sekuestruan 180 kg lëndë narkotike kanabis sativa, e ndarë në 170 thasë.

Aksioni i policisë spanjolle filloi më 12 mars të këtij viti, kur patrulla vërejti në këtë shtëpi hyrjen dhe daljen e disa personave ku kryhej ambalazhimi i lëndës narkotike.

Gjatë vëzhgimit gjithashtu u pa edhe lëvizja e disa automjeteve në dalje të shtëpisë me dyshimin se njëra prej tyre mund të përdorej për transportin e lëndës narkotike.

Dy orë pas fillimit të operacionit patrulla të ndryshme përgjuan dy automjete në dalje të shtëpisë, njëra përdorej si mjet transporti, tjetra përdorej për transportin e lëndës narkotike.

Pas ndalimit, në automjetin e dytë u konstatua lënda kanabis sativa e ambalazhuar në vakuum dhe e etiketuar sipas shumëllojshmërisë dhe përqindjes në THC, ndërsa u arrestuan dy shqiptarë.

Më pas u bë kontrolli i banesës, ku u gjetën paketime të shumta me etiketa, disa kuti çanta, makina ambalazhimi me vakuum, një precizion dixhital, peshore, llamba të përdorura për kultivimin e marijuanës. 

Efektivët e gardës civile zbuluan edhe pronarin e banesës dhe e arrestuan gjithashtu për trafik narkotikësh, pasi dyshohet se ai kishte dijeni për veprimin e paligjshëm të qiramarrësve të tij në shtëpi.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Merr flakë automjeti në tunel e Krrabës, bllokohet qarkullimi Tiranë- Elbasan

Merr flakë automjeti në tunel e Krrabës, bllokohet qarkullimi Tiranë- Elbasan