POP 5

Lajmet më të lexuara të 5 minutave të fundit

Sport

Sparta e Qazim Laçit një hap larg grupeve të Championsit, Boys-Galatasaray spektakël në ‘play-off’ (VIDEO)

Mesfushori i kombëtares shqiptare Qazim Laçi është një hap larg grupeve të Champions League, teksa fitoi 0-2 ndeshjen e parë ‘play-off’ kundër Malmos.

Sparta e Pragës së Qazim Laçit është me një këmbë në grupet e Champions League. Kampionët e Çekisë, në ndeshjen e parë ‘play-off’ fituan 0-2 në transfertën suedeze të Malmos. Në stadiumin ‘Eleda’ shifrat fillimisht u zhbllokuan nga një autogol, ndërsa më pas dyfishoi në pjesën e dytë Rynes. Mesfushori i kombëtares luajti në këtë përballje si titullarë, ndërsa për Indrit Tuçin dhe Ermal Krasniqin nuk pati minuta.

Sfida më me shumë gola në ndeshjet e para ‘play-off’ rezultoi Young Boys-Gallatasaray, që përfundoi me rezultatin 3-2. Zviceranët vendosën shpejt diktaktin, duke realizuar dy herë dhe duke dhënë përshtypjen e një fitoreje të thjeshtë, por në vijim, me aktivizimin e Batshuajit i cili realizoi ‘dopietë’, turqit arritën të barazonin.

Megjithatë një karton i kuq në minutën e 84, që u konvertua edhe në penallti, i dha fitoren Young Boys. Autori i golit të tretë dhe trepikësh ishte Ugrinic.

Në përballjen mes Dynamo Kiev dhe Salzburg austriakët fituan me rezultatin e pastër 0-2. Nene zhbllokoi shifrat fillimisht, ndërsa më pas rezultatin e vulosi Kjaergard.

Në Danimarkë në sfidën mes Midtjylland dhe Slovan Bratislavës nuk pati fitues, pasi 90 minutat përfunduan me shifrat 1-1. Ndeshjet e kthimit të fazës ‘play-of’ do luhen javën e ardhshme për të mësuar përfundimisht 7 skuadrat e fundit që i bashkohen formatit të ri të Champions League me 36 ekipe.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa