Speca me gjizë dhe kos nga Zonja Vjollca

Speca me gjizë dhe kos

Përbërësit:

600 gr speca (për skuqje)

Vaj

4 thelpinj hudhra

1 lugë çaji miell

4-5 lugë gjelle gjizë

1 gotë kos

1 filxhan çaji qumësht

Kripë dhe piper i zi

Spec pikant (alternative)

Përgatitja

Lajmë specat. Nëse janë të mëdha i presim në copa, nëse janë të vegjël i lëmë ashtu.

Ngrohim vajin për skuqje dhe i kalojmë specat në një skuqje të lehtë, pa i dhënë ngjyrë të errët. I largojmë nga vaji dhe i mbulojmë me kapak. (Nëse specat janë me lëkurë të trashë, i qërojmë).

Në një tigan tjetër vendosim 2-3 lugë gjelle vaj ulliri dhe shtojmë në të hudhrat e grira imët. Menjëherë shtojmë miellin dhe kaurdisim pa i dhënë ngjyrë, shtojmë gjizën, i përziejmë së bashku dhe i shuajmë me një gotë kos. I trazojmë me tel duke krijuar një masë të lidhur, shtojmë qumështin dhe shohim derisa të na formohet një salcë me konsistencë mesatare jo shumë e trashë. Rregullojmë shijen me kripë dhe piper të zi, por nëse dëshironi dhe pak spec pikant. E shërbejmë të ngrohtë.

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!