POP 5

Lajmet më të lexuara të 5 minutave të fundit

Speciale

Speciale/ Ermira Babaliu rrëfen dashuritë e mëdha buzë liqenit të Pogradecit

Në një intervistë ndryshe, Ermira Babaliu tregon jetën e saj, krenarinë që i ka falur familja, misionin që i ka vënë vetes për t’i shërbyer njerëzve në nevojë. Të gjitha këto i mbështet tek rrënjët e familjes të cilat për të janë të çmuara dhe kanë kontribuar në atë që është sot.

Në një intervistë ndryshe, Ermira Babaliu tregon jetën e saj, krenarinë që i ka falur familja, misionin që i ka vënë vetes për t’i shërbyer njerëzve në nevojë. Të gjitha këto i mbështet tek rrënjët e familjes të cilat për të janë të çmuara dhe kanë kontribuar në atë që është sot.

Dashuritë e mëdha karakterizojnë Ermira Babaliun, këngëtaren e serenatave e jo vetëm, zëri i të cilës shoqëroi lidhjet e ndarjet e zemrave të çifteve shqiptare që prej viteve ’80.

Rikthimi në Pogradec ri sjell edhe Ermirën këngëtare. Ajo zbriti në skenën e Pallatit të kulturës këtë herë së bashku me këngëtarët e rinj pogradecar. Koncerti “Yjet e vjeshtës pogradecare” u mirëprit nga publiku i cili këndoi bashkë me këngëtaren Ermira Babaliu, hitet e saj.

Koha ka treguar se këngët e Ermira Babaliut nuk mund të harrohen. Ato këndohen edhe sot në tryeza familjare.

Ermira Babaliu ka nisur rrugëtimin e këngëtares gjatë viteve të shkollës. Ajo angazhohet në grupet artistike, por edhe pranë Shtëpisë së Kulturës, ku bie në sy për zërin e saj melodioz e të veçantë e që shumë shpejt u dallua nga këngëtarët e tjerë. Aktivizohet pranë Estradës së qytetit, ku merr pjesë në variete të kësaj Estrade, si dhe në turne të ndryshme si brenda ashtu edhe jashtë rrethit. Merr pjesë në Festivalin e Parë të Këngës në Pogradec dhe nderohet me Çmimin e Parë me këngën "Erdh' pranvera". Studimet e larta i kryen në Universitetin e Tiranës, në Degën Filozofi. Në festivalet e këngës në RTV, Ermira Babaliu vlerësohet me çmime te dyta e të treta , në Festivali i 25-të dhe i 26-të, me këngët "Një jete nga Jeta ime dhe “ Mbrëmja që mban dashurinë time.” Në konkursin e interpretuesve të këngës, vlerësohet si këngëtarja më e mirë e vitit 1994 me këngën "Emri me i bukur".

Me çmim vlerësohet edhe me këngën tjetër, “E njëjta ëndërr”. Me trofeun e radhës në duar e një karrierë që e kishte bërë këngëtare të dashur e të njohur nga të gjithë, në vitin 1996 Ermira Babaliu  do të linte Shqipërinë për të nisur një rrugëtim të ri, por jo pa një peng që e kujton ende edhe sot.

Ermira Babaliu la pas liqenin e Pogradecit dhe udhëtoi drejt liqeneve të Miçiganit në SHBA ku jeton aktualisht me familjen e saj. Ndjehet e arrirë edhe si nënë, pasi në një vend si SHBA, e bija, Dorela ka ndërtuar familjen e saj, ushtron profesionin që do dhe nuk bën jetën 12 orë punë e 12 orë gjumë.

Gjithçka e ka bazuar në ndershmërinë që e karakterizon, gjë që në SHBA vlerësohet shumë, prandaj dhe emrin e saj e ka përdorur për t’u ardhur në ndihmë shtresave në nevojë. E ka bërë dhe do ta vazhdojë në bashkëpunim me shumë njerëz që i kanë besuar misionit humanitar.

E ka thënë dhe vazhdon ta nënvizojë se karakteri i saj u shënjua nga rrënjët e familjes. Ajo është mbesa e heroi të popullit Reshit Çollaku dhe disidentit Qani Çollaku.

Në intervistën për Report TV, ajo zbulon se është edhe një kuzhiniere shumë e mirë.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu