SPECIALE/ Me akademik Ilia Mikerezin, AND-ja që zbulon gjakun e arbrit (VIDEO)

Për etnografët, arkeologët, gjuhëtarët e albanologët fiset shqiptare që jetojnë në Shqipëri dhe në Ballkan karakterizohen nga një gjuhë dhe kulturë e përbashkët. Që nga lashtësia, popullsia shqiptare rezulton me pasardhës të njëjtë në Ballkan.

Historianët dhe albanologët i përcaktojnë shqiptarët si popull autoktonë, të cilët gjatë të gjitha dyndjeve të popujve të tjerë e ruajtën tipin dhe karakterin e vet në mënyrë të theksuar.

Shpesh tezat e tyre duken hipotetike, por ato do të qëndrojnë me të dyja këmbët, falë mjeteve dhe instrumenteve të shkencës për t’i vërtetuar. 

Akad. Ilia Mikerezi, drejtues shkencor i Qendrës kërkimore të bioteknologjisë dhe gjenetikës në Akademinë e Shkencave të Shqipërisë shpjegon arsyet se pse perspektivat e gjenetikës nё Shqipëri janë hapur vetëm në dekadat e fundit.

Përmes provës së ADN-së dalin dhe rezultatet e raporteve të popullatave në rajonin e Ballkanit.

Falë metodave më të fundit të biologjisë molekulare dhe metodologjive kompjuterike të specializuara është bërë i mundur hartimi i hartës aktuale gjenetike të popullatave që jetojnë në rajonin ballkanik.

Në një projekt të udhëhequr nga një grup studiuesish, u përfshinë në studim popullatat shqiptare në Shqipëri dhe Kosovë, 10 popullata të tjera ballkanike, 12 popullata europiane dhe 2 aziatike.

Janë qartësuar afërsitë gjenetike midis popullsive shqiptare të Shqipërisë dhe Kosovës, duke u nisur nga llogaritja e distancave gjenetike.

Grupet kryesore më të hershme të popullatave në Ballkan rezultojnë popullatat shqiptare, maqedonase, greke dhe bullgare. Në grupin e mëvonshëm renditen popullata kroate, boshnjake dhe serbe, dhe në një distancë më të thelluar gjenetike renditen popullatat italiane, rumune dhe turke…. 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite