POP 5

Lajmet më të lexuara të 5 minutave të fundit

Kronikë

Spiro Ksera në pranga! Vodhi 30
mln lekë të shtresave në nevojëVIDEO/ Ja pamjet e ish-ministrit Ksera në prangaVIDEO/ Report Tv në fshatin e ish-ministrit Ksera

Arrestohet ish-ministri i Punes ne qeverin Berisha Spiro Ksera per vjedhje te 30 milione lekeve permes shperdorimit te detyres. Arrestimi ne nje lokal ne fshatin Dervican, Gjirokaster ku ai jeton, me urdher te Prokurorise se Tiranes. Akuza: Vodhi fondet per aktivitete sociale për fëmijët në nevojë, romët dhe moshën e tretë. Aktivitetet nuk u realizuan. Arrestohen edhe 3 ish-zyrtare, priten 3 urdher arreste te tjere.  VIDEO
Historia nga '91/ Pranga për herë të I-rë një ministri
PDF-Njoftimi zyrtar i Prokurorisë: Ja akuzat për Kserën
I PLOTE/Njoftimi i Policise per arrestimin e Kserës
Balla: Kush nuk e mban mend Kserën...ju kujtoj hidromasazhin në zyrën e tij!
Berisha pohon: Kam vjedhur por Rama po vjedh më shumë
Në prokurori, 3 zyrtarë të Kserës, abuzim me fondet
Arrestimi i Kserës, Vasili: Shkelësi i ligjit të shkojë ku e ka vendin
Gjokutaj: Arrestimi i paligjshëm! Nesër në gjykatë
TIRANE - Ish-ministri i Punës dhe Çështjeve Sociale në qeverinë Berisha 2, Spiro Ksera është arrestuar nga policia mbrëmjen e së premtes nën akuzën e vjedhjes së 30 milionë lekëve të reja duke shpërdoruar detyrën, ndërsa nesër në oren 13.00 do të dalë para gjykatës. Arrestimi i Kserës, që shënon edhe vënien në pranga për herë të parë të një ish-ministri në vendin tonë, është bërë në një lokal në fshatin Derviçan të Gjirokastrës, ku ai jeton. Ndaj tij Prokuroria e Tiranës kishte lëshuar urdhër arresti me akuzën se ka përfituar shuma të konsiderueshme parash përmes tenderëve fiktivë për organizimin e aktiviteteve social-kulturore për fëmijët në nevojë, romët dhe moshën e tretë, gjatë vitit 2013 pak para zgjedhjeve të qershorit kur të djathtët lëshuan pushtetin. Në cilësinë e kryetarit të Entit Prokurues, në bashkëpunim me ish-drejtorin e Kabinetit Kleves Bitro si dhe mbështjen e disa zyrtarëve të tjerë, Ksera ka vjedhur paratë e akorduara për aktivitetet e shtresave të ndryshme sociale. Në shumicën e rasteve, sipas Prokurorisë së kryeqytetit, këto aktivitete nuk janë realizuar, ose janë bërë me kosto shumë më të ulëta se sa vlera që është shënuar në dokumentet zyrtarë.
 
Ne pranga edhe tre ish-punonjes te Kseres, mes tyre dy gra
Bashkë me Kserën në pranga kanë rënë edhe tre ish-zyrtarë të ministrisë që ai ka drejtuar, mes tyre dy gra. Artevis Mene 27 vjeç, ish-punonjës në ministrinë e Kserës, u arrestua mbrëmjen e së premtes në fshatin Gorcanci ku ai jeton, pranë Derviçanit. E arrestuar është edhe 31-vjeçarja Elda Kozaj nga Fieri dhe banim në Tiranë ish-punonjëse në ministrinë e Punës. Ndërsa ekonomistja e shoqërisë "Shpresa", Pranvera Lile 58 vjeç nga Gjirokastra dhe banim në Tiranë, akuzohet për falsifikim të dokumenteve.
 
Sipas Policisë janë lëshuar edhe 3 urdhër arreste të tjera, për personat Alban Karabashi si dhe personat me inicialet A.J, D.F,  të cilët Prokuroria e Tiranës i akuzon për shpërdorim detyre.

Urdhër ndalimi ka edhe për ish- shefin e kabinetit të Kserës, Kleves Bitron, i cili aktualisht ndodhet në burg, ku vuan një dënim tjetër për shpërdorim detyre. 

Avokati i Kserës, Genc Gjokutaj gjatë një komunikimi jashtë kamerave, pohoi se arrestimi ishte i paligjshëm dhe se klienti i tij që nga nisja e hetimit nuk ishte pyetur asnjëherë. 

Video/ Shoqerimi i Kseres ne drejtorine e Policise se Tiranes


arrestimi i kseres

Ky është momenti i shoqërimit të Spiro Kserës në ambientet e Drejtorisë së Policisë së Tiranës. Ai është transportuar me furgon policie nga Gjirokastra ku u arrestua. Në pamjet e sjella nga Policia e Shtetit, shihet Ksera teksa zbret nga furgoni me pranga në duar të prangosura, ndërsa pas tij shoqërohet edhe i arrestuari i dytë në Gjirokastër, Artevis Mene.

Ish-zyrtarët "bllof" me aktivitetet, ja si i kamuflonin
Ndaj tyre ka pasur një kallëzim nga Kontrolli i Lartë i Shtetit dhe Ministria e Rinisë dhe Mirëqenies Sociale, ku bëhet fjalë për një investim prej 30 milionë lekësh që duhet të përdoreshin në favor të personave me aftësi të kufizuara, por që nuk janë përdorur për këtë qëllim. Nga hetimi i dokumentacionit është zbuluar se personat e mësipërm, kanë regjistruar për të faktuar aktivitetin edhe një CD- në të cilin shfaqeshin pamje të aktiviteteve të supozuara për të moshuarit, për të verbrit si dhe të komunitetit rom. Dokumentacioni tregonte se aktivitetet ishin kryer në korrik e gusht, ndërsa në të vërtetë pamjet tregonin aktivitete të kryera në muajin mars, ku duket qartë se njerëzit janë të veshur me rroba dimri. 

Ksera: Arrestimi me prapavije politike
Shqiptarja.com zbardh deklaratat e para të ish-ministrit Ksera në ambientet e komisariatit të Gjirokastrës, pas arrestimit të tij. Ai mësohet të jetë shprehur para hetuesve se arrestimi ka prapavijë politike. Ndërkohë, deri tani nuk ka pasur asnjë reagim nga strukturat e Partisë Demokratike, dega Gjirokastër, ku Ksera është pjesëtar në këto struktura. Burime nga PD-Gjirokastër thanë për Shqiptarja.com se i takon degës së Tiranës të japë një reagim për ngjarjen.
 
Ish-ministri Ksera është paraqitur mjaft i qetë gjatë momentit të ndalimit ku ka deklaruar se nuk "ka bërë asgjë". Ksera u shoqëruar pa pranga me një makinë policie drejt ambienteve të Drejtorisë së Policisë së Gjirokastrës, ndërsa pas mesnate, rreth orës 02:00 të mëngjesit të së shtunës ai u transferua për në Drejtorinë e Policisë së Tiranës.

Video/Ndalimi i Kseres ne Gjirokaster
/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55