POP 5

Lajmet më të lexuara të 5 minutave të fundit

Politikë

Spiropali dhe Balla takim me ambasadoren Yuri Kim, ministrja: Mbështetja e SHBA-së për ‘Drejtësinë e Re’ solli efekte pozitive në Anti- KÇK

Ajo u shpreh përmes një postimi në profilin e saj personal se rruga përvijuese drejt integrimit në familjen evropiane, ishin piketat që vijëzuan takimin e këndshëm me Ambasadoren Kim.

Spiropali dhe Balla takim me ambasadoren Yuri Kim, ministrja: Mbështetja e SHBA-së për ‘Drejtësinë e Re’ solli efekte pozitive në Anti- KÇK

Spiropali dhe Kim

Ministrja Elisa Spiropali priti në një takim ambasadoren Yuri Kim, ku u shpreh se mbështetja e SHBA-së për institucionet e Drejtësisë së Re sollën efekte pozitive në aplikimin e Anti- KÇK-së.

Ajo u shpreh përmes një postimi në profilin e saj personal se rruga përvijuese drejt integrimit në familjen evropiane, ishin piketat që vijëzuan takimin e këndshëm me Ambasadoren Kim.

Gjithashtu edhe Balla ka zhvilluar një takim me Kim, ku është shprehur se SHBA është aleati dhe partneri strategjik.

“Bashkëpunimi me SHBA është sot në një nivel të shkëlqyer në dobi zhvillimeve demokratike, të forcimit të shtetit ligjor dhe të parimeve të ekonomisë së tregut, në mbështetje të anëtarësimit të Shqipërisë në Bashkimin Europian, të ruajtjes së stabilitetit, paqes e prosperitetit në rajonin tonë e më gjerë, të luftës kundër terrorizmit”, është shprehur ai.

Sipas tij, realizimi i këtij synimi duhet të jetë një prioritet thelbësor, i dorës së parë në marrëdhëniet  me Shtet e Bashkuara të Amerikës dhe se numri i bizneseve amerikane, apo me kapital të përbashkët shqiptaro-amerikan, është ende shumë i vogël krahasuar me mundësitë dhe ofertën tërheqëse të Shqipërisë për sipërmarjen amerikane.

Ambasadorja Yuri Kim po zhvillon takime me shumicën e politikanëve në vend, pas marrjes zyrtarisht të detyrës, në fund të muajit janar.

Balla dhe Kim

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02