Spiropali ftesë Bashës: Futu në zgjedhje që të shohim se sa vota do marrësh dhe në lagjen tënde! Opozita në Kuvend më e mirë se ajo jashtë

Ministrja e Shtetit, Elisa Spiropali ka vlerësuar opozitën parlamentare, më shumë se atë të jashtëparlamentare, megjithatë nuk ka nguruar që t'i ftojë ata që të marrin pjesë në zgjedhjet e ardhshme që të përballen me votën e qytetarëve. Ajo ka pasur një ftesë të drejtpërdrejtë, për kryedemokratin Lulzim Basha për të parë se sa vota do të marrë në lagjen e tij.

"Opozita aktuale ka ndërmarrë më shumë nisma se ajo jashtëparlamentare që na sulmonte në Kuvend e nuk linte fjalë pa thënë me mjet pa na gjuajtur. Tani me ndryshimet e reja kanë mundësi që të votohen, ftojmë Bashën që të votohet e të shohim sa vota do marrë në lagjen e tij apo në qarkun e Tiranës", tha Spiropali.

Ajo ka prezantuar edhe strategjinë që do të ndiqet nga socialistët për fushatën në kohë pandemie.

"Ka ndryshuar shumë gjëra në jetën tonë të përditshme dhe fushata e mitingjet po e po. Ne jemi në një regjim të ri që i përgjigjemi hap pas hapi nga të rejat që nga sjellë shkenca. Fushata nuk besoj se do jetë siç ka qenë, do punohen grupe të vogla, ka më shumë rëndësi programi idetë, që mund të shpërndahen në mediat sociale. E rëndësishme është që ne të mos tallemi e të shpifim, në këtu bazohemi. Nuk jemi marrë me kundërshtarët tanë, nuk kemi krijuar fake news, ne besojmë që qytetarët dina të ndajnë të mirën nga e keqja dhe të punën në llafet. Shpesh duan t'i bëjnë për budallenjtë duke hedhur lajme për të nxirë realitetin, por në fund të gjithë përballen me atë që kanë mbjellë në fund", tha ajo.

Lajmi kryesor:

'Rindërtimi e COVID-i kartat e forta të PS për zgjedhjet'/ Spiropali: S'dua ta çoj ndërmend çdo kishte ndodhur po të ishte PD në pushtet

B.K./b.ha./Shqiptarja.com

TAG:
• PS
• lulzim basha
• elisa spiropali
• zgjedhjet parlamentare 2021