POP 5

Lajmet më të lexuara të 5 minutave të fundit

Politikë

Programi i Bashës, Spiropali: 'Alternativa për Zhvillim' ka zëvendësuar 'Republikën e Re', dokumenti i njëjtë (VIDEO)

Detaji që nuk i ka shpëtuar ministres së Shtetit për Marrëdhëniet me Parlamentin, ka të bëjë me fletëpalosjet e shpërndara nga PD sot gjatë prezantimit të programit të qeverisë në hije. Sipas saj, janë identike me ato të "Republikës së Re" në 2017. 

Ministrja e Shtetit për Marrëdhëniet me Parlamentin, Elisa Spiropali, ka adresuar një mesazh publik për qytetarët përmes një video në rrjetet sociale. Spiropali ka komentuar lëvizjet e fundit të Partisë Demokratike dhe prezantimin që po bën te qytetarët të një programi qeverie në hije. Detaji që nuk i ka shpëtuar ministres ka të bëjë me fletëpalosjet e shpërndara nga PD gjatë prezantimit të programit ditën e sotme. Sipas saj, janë identike me ato të "Republikës së Re" në 2017.

Mbi mbishkrimet e fletëpalosjeve të "Republikës së Re" po promovohet "Alternativa për Zhvillim" e lançuar ditën e sotme. Duke listuar me ironi arritjen e asaj që u quajt "Republika e Re" dy vite më parë, Spiropali shprehet se gjithçka bëhet për Bashën, familjen e tij dhe klientët e tij.

Mesazhi i plotë i Spiropalit:
Kjo fletëpalosje është njësoj si ajo e Republikës së Re, ku është hequr "Republika e Re" dhe është vendosur "Alternativa për Zhvillim". "Republika e Re" do të sillte çlirimin e ekonomisë dhe solli vetëm shkatërrimin e mëtejshëm të partisë. Republika e Re do të sillte punësim dhe kujdes për sipërmarrjen dhe solli vetëm ripunësimin e Lulzim Bashës kryetar partie pas humbjes dhe kujdes për partinë e ktheyr në sipërmarrje të kunatit. "Republika e Re" do ta kthente biznesin e vogël në gjenerator të ekonomisë kombëtare dhe e ktheu PD në gjenerator të ekonomisë familjare të kryetarit të vogël të partisë.

"Republika e Re" do të tërhiqte investime të huaja dhe tërhoqi vetëm agjencitë e huaja që hetojnë për paratë ruse të futura në ekonominë e lobeve të dyshimta amerikane për llogari të Lulzim Bashës. "Republika e Re" do të hiqte akcizën e naftës dhe hoqi nga partia themeluesit dhe solli të "peshkuarit në oazin" e kunatit. "Republika e Re" do të kishte arsimin si prioritet kombëtar, dhe ka sjellë si prioritet jokombëtar gjetjen e përgjigjes: A ka diplomë Lulzim Basha? 

Ndërkohë pyetja ime është: Po "Alternativa për Zhvillim" që ka zëvendësuar "Republikën e Re" në kaptinën e të njejtit dokument, çfarë mund të sjellë? Dhe përgjigjja e çdo njeriu të zakonshëm që e ndjek sadopak politikën është: Do të sjellë një humbje edhe më të thellë të PD dhe Lulzim Bashës në qershorin e ardhshëm krahasuar me dy qershorë më parë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06