Kryetarja e Kuvendit, Elisa Spiropali, zhvilloi sot një vizitë zyrtare në Parlamentin Hollandez, ku u prit në një takim të përbashkët nga Kryetari i Dhomës së Përfaqësuesve, Martin Bosma, dhe Kryetari i Senatit, Jan Anthonie Bruijn. Në takim ishte i pranishëm edhe Ambasadori i Shqipërisë në Vendet e Ulëta, Artur Kuko.
Spiropali vlerësoi marrëdhëniet e shkëlqyera intensive politike dypalëshe, shkëmbimet e vizitave të nivelit të lartë dhe theksoi se ky momentum duhet ruajtur dhe bashkëpunimi duhet dhe mund të zgjerohet.
Pozita strategjike e Hollandës në Bashkimin Europian dhe roli i fuqishëm në organizatat ndërkombëtare përbëjnë një oportunitet për realizimin e ambicjeve tona për integrimin europian dhe kontributin në përballimin e sfidave globale.
Spiropali vlerësoi mbështetjen për transformimet demokratike, nëpërmjet programeve të ndihmës për reformën në drejtësi, sundimin e ligjit, fuqizimin e institucioneve demokratike dhe mbrojtjen e të drejtave të njeriut.
Hollanda është ndër investitorët kryesorë në Shqipëri dhe znj. Spiropali shprehu interesimin për shtimin e investimeve dhe zgjerimin e bashkëpunimit ekonomik e tregtar si edhe bashkëpunimin në nivelin lokal. Turizmi dhe sporti po afrojnë më shumë njerëzit e dy vendeve tona.
Kryetarja Spiropali nënvizoi se në kontekstin e zhvillimeve aktuale në marrëdheniet ndërkombëtare, bashkëpunimi mes dy vendeve mund të përfshijë edhe rivitalizimin e industrisë sonë ushtarake e mbrojtëse, në kuadrin e Programit për Riarmatimin e Europës.
Nxitja e bashkëpunimit parlamentar është thelbësor për marrëdhëniet mes dy vendeve. Spiropali nënvizoi vullnetin e Kuvendit për intensifikimin e shkëmbimeve me Dhomën e Përfaqësuesve dhe Senatin në të gjitha nivelet, mes komisioneve, grupeve të miqësisë dhe deputetëve.
Ajo vlerësoi mbështetjen e Hollandës për rrugëtimin europian të Shqipërisë dhe ndau me homologët objektivin kombëtar strategjik për përfundimin e negociatave teknike të anëtarësimit brenda brenda 2027 dhe anëtarësimin brenda vitit 2030, një objektiv ambicioz, por plotësisht i arritshëm, nëse mbajmë parasysh faktin se Shqipëria është aktualisht vendi kandidat që ecën më shpejt dhe më vendosmërisht drejt anëtarësimit. Ne synojmë të zhvillojmë dy konferenca ndërqeveritare Shqipëri-BE në muajt prill dhe qershor, gjatë Presidencës Polake, dhe dy konferenca ndërqeveritare gjatë muajve tetor dhe dhjetor, gjatë Presidencës Daneze.
Spiropali vuri në dukje rolin aktiv të Shqipërisë në bashkëpunimin, sigurinë e paqen në rajon, kontributin e Procesit të Berlinit në integrimin europian të vendeve të Ballkanit Perëndimor dhe të Planit të Rritjes si një mundësi që përshpejton zhvillimin ekonomik dhe rrit mirëqenien e fuqizon kohezionin social në vendet e rajonit. Kryetarja e Kuvendit Spiropali diskutoi me homologët holandezë edhe për bashkëpunimin mes dy vendeve në kuadrin e Komunitetit Politik Europian dhe organizimin e Samitit të Gjashtë të tij në Tiranë në 16 maj 2025.
Duke vlerëzuar bashkëpunimin mes dy vendeve si anëtarë dhe partnerë në NATO, znj. Spiropali vuri në dukje se mbështetja e palëkundur e Shqipërisë për Ukrainën do të vazhdojë. Kryetarja e Kuvendit Elisa Spiropali ftoi Kryetarin e Dhomës së Përfaqësuesve Martin Bosma dhe Kryetarin e Senatit Jan Anthonie Bruijn për një vizitë zyrtare në Kuvendin e Shqipërisë.
Komente
Lajme të tjera
-
Taulant Balla: Mjaft më radhëve në porte dhe aeroporte! Duhet të marrim pasaportën Europiane
26 Mars, 17:59 -
Katër javë në izolim, sulmuesi i PSV-së diagnostikohet me tuberkuloz aktiv
25 Mars, 09:29 -
Rama nga Vlora: Reforma në drejtësi meritë e PS, shpatën ia dhamë ne! 'Bufi' do shkrirjen e SPAK! Hapim negociatat gjatë mandatit të 4
23 Mars, 18:01 -
Itali/ Trafikuan 400 kg drogë me vlerë 5 mln euro, goditet organizata shqiptare me 19 anëtarë! 5 të arrestuar, xhaxhai dhe nipi e drejtonin me SKY ECC! Belgët i hakuan
22 Mars, 18:09 -
Kryeparlamentarja Spiropali takohet me ish presidentin Alfred Moisiu: Do të bëjmë realitet kërkesën e tij për ngritjen e muzeut 'Aleksandër Moisiu' në Kavajë
22 Mars, 15:31 -
BE kërkon zbatimin e shpejtë të planeve për armatimin
22 Mars, 08:29 -
Konferenca e Kryetarëve të Parlamenteve në Strasburg/ Spiropali: Shqipëria, lider në nxitjen e bashkëpunimit rajonal! Kosova duhet të anëtarësohet në Këshillin e Evropës
20 Mars, 12:37 -
Pjesë e 'skuadrës' së Laert Haxhisë, GJKKO lë në burg të ekstraduarin Kristi Bixheku! Atentat me eksploziv dhe ndihmë për vrasje
17 Mars, 17:46
-
Augustin Palokaj: Vuçiçi po e humb mbështetjen në Serbi, por e ka mbështetjen e madhe ndërkombëtare
17 Mars, 10:27
-
Seanca e fundit para 11 majit/ Kuvendi boshatiset nga deputetët e opozitës, Kukësi ‘përplas’ PD-PS! Miratohet ngritja e Bankës Shqiptare të Zhvillimit
17 Mars, 07:05
-
'Sa herë krenoheni me këtë BE', Rama i përgjigjet komentuesit në 'Sy m'Sy': Stacioni i shpëtimit tonë kombëtar nga hijet e së shkuarës
16 Mars, 20:05 -
Në kërkim nga SPAK për tritol e bashkëpunim në vrasje, ekstradohet nga Holanda ushtari i bandës së Laert Haxhiut
16 Mars, 14:12
