X

POP 5

Lajmet më të lexuara të 5 minutave të fundit

Politikë

Spiropali prezantohet si drejtuese e qarkut Shkodër: Është nder të punosh në këtë qark pavarësisht se kë votojnë

Elisa Spiropali është prezantuar si drejtuese politike e qarkut Shkodër para strukturave të këtij qarku. E shoqëruar nga sekretari i përgjithshëm Damian Gjiknuri, ajo mbajti një takim të shkurtër me dyer të mbyllura me strukturat në selinë e partisë socialiste.

Elisa Spiropali është prezantuar si drejtuese politike e qarkut Shkodër para strukturave të këtij qarku.  E shoqëruar nga sekretari i përgjithshëm Damian Gjiknuri, ajo mbajti një takim të shkurtër me dyer të mbyllura me strukturat në selinë e partisë socialiste. Pas takimit Gjiknuri tha se nuk mund ti imponohen shkodranëve por do që partia socialiste do paraqesë alternativën më të mirë.

Spiropali e konsideroi kënaqësi dhe përgjegjësi pozicionin politik ne Shkodër, ndërsa deklaroi se Qeveria nuk ka diskriminuar Shkodrën për votën ndryshe por nuk ka gjetur bashkëpunim nga kryetaret e bashkive, duke sjell një paralelizëm me bashkinë Tropojë. 

‘Faleminderit për interesin e për kohën tuaj që jeni këtu. Unë falënderoj kryesinë e PS për këtë vendim. Është kënaqësi e nder të punoj me qytetarët e Shkodrës. Më pëlqën energjia e këtij qyteti e këtij qarku pavarësisht kë votojnë. Ne nuk jemi për të imponuar ofertën e PS ne jemi për të ofruar më të mirën për qytetarët e këtij qaku’- tha Spiropali

Sfida socialisteve por edhe e drejtueses Spiropali ngelen zgjedhjet e ardhshme lokale, ku PS synon te thyeje bastionin e demokrateve, Shkodrën.

Kryesia e Partisë Socialiste në mbledhjen e të martës ka marrë vendimin për të ndryshuar drejtuesit e 3 qarqeve, Vlorë, Shkodër dhe Kukës. 

Kështu, Blendi Klosi do të zëvendësojë Arben Ahmetaj në Vlorë, Elisa Spiropali ikën nga Kukësi dhe shkon në Shkodër në vend të Edona Bilalit. Pandeli Majko do zëvendësojë Spiropalin në Kukës. Arben Ahmetaj është tashmë pa asnjë post në PS. Kjo pasi nuk është më drejtues qarku i Vlorës. Shkarkimi i radhës pas atij nga posti i zv.kryeministrit dhe ministrit të Rindërtimit. Këto ndryshime, Rama i quajti "pa peshë", por në funksion të organizimit të partisë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

12 mijë euro për një leje për shfrytëzim plazhi, SPAK dërgon për gjykim 2 ish-zyrtarë të IKMT

12 mijë euro për një leje për shfrytëzim plazhi, SPAK dërgon për gjykim 2 ish-zyrtarë të IKMT

26 Prill, 11:35