POP 5

Lajmet më të lexuara të 5 minutave të fundit

Kronikë

Spitalet e vogla, para për paga e jo
ilaçe, 10% më shumë shkon për QSUT

Spitalet në të gjithë vendin, edhe këtë vit do të marrin buxhet historik dhe jo buxhet sipas performancës në së tyre.
TIRANE- Spitalet në të gjithë vendin, edhe këtë vit do të marrin buxhet historik dhe jo buxhet sipas performancës në së tyre.

Kështu, pavarësisht se sa raste pacientësh trajtojnë gjatë një viti, institucionet shëndetësore e kanë të përcaktuar buxhetin që do të shpenzojnë për të gjitha nevojat që u paraqiten.

Në vendimin e qeverisë të miratuar vetëm një javë më parë, është parashikuar që të gjitha institucionet spitalore në vend do të marrin një buxhet prej 15.6 miliard lekësh të reja, me një rritje prej 10.3% krahasuar me buxhetin e vitit të kaluar.

Sa i përket strukturave të punonjësve në këto institucione shëndetësore është parashikuar që të jenë plot 12. 117 persona, duke pësuar një rritje në krahasim me vitin e kaluar nga 11.888 punonjës.

E ndërsa për spitalet e mëdha është përcaktuar një buxhet i lartë, problemi mbetet për spitalet e qyteteve të vogla, të cilat duhet të paguajnë më shumë para për pagat e punonjësve, se sa për ilaçet dhe investimet që do të kryhen gjatë 2014-ës. Rasti më konkret është për spitalin në Malësi të Madhe ku vetëm për ilaçe dhe investime të tjera në aparatura apo rikonstruksione të ambienteve është parashikuar që të jenë vetëm 5.5 milion lekë të reja, kurse për pagat e mjekëve, infermierëve dhe administratës është parashikuar që ky fond të shkojë në 11.6 milion lekë përgjatë gjithë vitit.

Në të njëjtat kushte janë edhe spitale të tjera në qytete të vogla si ai i Delvinës, Devollit, Hasit, Kuçovës dhe Peqinit ku buxheti i ilaçeve dhe investimeve është dy herë më i vogël se buxheti i pagave të punonjësve.

Ndonëse prej vitesh është diskutuar ekzistenca e këtyre spitaleve, edhe këtë vit buxheti i tyre ka qenë i njëjtë me atë të vitit të kaluar. Por,  edhe për spitalet e qarqeve duket se paraqitet e njëjta situatë ku fondi për pagat është më i lartë se fondi i shpenzimeve për mallra dhe shërbime.

Situata ndryshon vetëm për Qendrat Universitare dhe më Konkretisht dy maternitetet në Tiranë, Sanatoriumin, Spitalin e Traumës dhe QSUT. Ky i fundit ka përfituar edhe shtesën e buxhetit me rreth 350 milionë lekë për përmirësimin e shërbimit të onkologjisë, 100 milionë lekë për blerjen e materialeve mjekësore për hemodinamikën dhe kardiokirurgjinë.

Plot 50 milionë lekë për materialet mjekësore për funksionimin e laboratorëve të qendrës spitalore, si dhe 70 milionë lekë për të siguruar mirëmbajtjen e aparaturës mjekësore në këtë qendër. Në total QSUT përfiton një buxhet prej 5.8 miliard lekësh të reja. Ajo që është e veçantë në buxhetin e këtij viti është se për herë të parë është përfshirë Spitali i Traumës i cili ka të njëjtin fond sa edhe spitali i Vlorës. Por, nëse për Vlorën buxheti më i madh shkon për paga, për Spitalin e Traumës ose siç njihet ndryshe spitali ushtarak fondi më i madh do të shkojë për investime dhe barna, konkretisht 357.8 milion lekë të reja. 

 
Tabela
Spitalet me buxhet të vogël
 
Spitali         Nr. i punonjësve      Buxheti i pagave    Buxheti për ilaçe
Delvinë        32 punonjës           19.5 mil                 5.8 mil
Devoll          57 punonjës           31.7 mil                10 mil
Has              43 punonjës          25.4 mil                12 mil
Kuçovë         77 punonjës          47 mil                   14.5 mil
M. Madhe     17 punonjës          11.6 mil                 5.5 mil
Peqin            30 punonjës          19.9 mil                9 mil
 
Spitalet me buxhet më të madh
 
Spitali      Nr. i punonjësve    Buxheti i pagave   Buxheti për ilaçe
Elbasan          657                          364.5 mil          200 mil
Fier               526                           290 mil            355 mil
Korçë            589                           329.5 mil         200 mil
Shkodër         794                          440 mil            197 mil
QSUT            2772                       1.6 mld             3.9 mld
Materniteti 1    378                        226.9 mil         180 mil
Materniteti 2    285                        180 mil            140 mil
Vlorë               584                        324 mil            168 mil
Trauma            310                      210 mil              357.8 mil
Senatoriumi      334                     179.7 mil           204 mil  


Shkrimi u publikua sot (17.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53