Spitalet, procedurat e zgjedhjeve
të reja për shefat e Shërbimeve

TIRANE- Qendrat Spitalore Universitare do të përfshihen në procesin e përzgjedhjes së shefave të shërbimeve, procedura që do të bëhen me anë të konkurrimit me dosje.

Sipas kritereve të përcaktuara në vendimin e Këshillit të Ministrave, shfat e shërbimeve duhet të kenë një kontribut të veçantë në fushën e shërbimit për të cilën kandidon si dhe të ketë të paktën, gradën shkencore “Doktor”.

Po kështu, kriter tjetër është edhe eksperienca në fushën e mësimdhënies,  që nuk duhet të jetë më pak se 5 vjet, dhe eksperiencë në punë klinike, pa ndërprerje, jo më pak se 10 vjet.