POP 5

Lajmet më të lexuara të 5 minutave të fundit

Sociale

Stadiumi “Besëlidhja” do shembet! Ndreu: Në vend të tij, parking nëntokësor! Nëse nuk financon Qeveria, Bashkia e Lezhës do kërkojë kredi

Kryebashkiaku i Lezhës, Pjerin Ndreu, shprehet i vendosur për ta shembur stadiumin e Besëlidhjes dhe për të ndërtuar në vend të tij parking të madh nëntokësor. Fondet ende nuk janë miratuar nga Qeveria, por ai tha se do të realizojë projektin e parkingut qoftë dhe me kredi. Ndërsa impianti i ri sportiv pritet të ndërtohet nga FHSH-ja në periferi të Lezhës.

Stadiumi “Besëlidhja” që ndodhet në lagjen me të njëjtin emër do të shembet për t’i hapur rrugë një projekti të ri. Ky është plani i Bashkisë së Lezhës për vitin 2025, i cili u prezantua nga kryebashkiaku, Pjerin Ndreu gjatë një konference për mediat.

"Po bëjmë çmos për stadiumin e ri dhe ne jemi në tre mënyra komunikimi dhe do ta zgjidhim atë punë me FSHF dhe Qeverinë . Kemi rënë dakort në parim për impiantin e ri sportiv, por nuk kemi zgjidh akoma financimin për parkingun nëntotëksor, për pedonalen dhe për parkun”, tha ai.

Kryebashkiaku tha se stadiumi, i cili ndodhet afër qendrës së qytetit, do të shmbet dhe në vend të tij do të ndërtohet parking nëntokësor me dy kate dhe lart lulishte, park rekreativ për qytetarët.

“Nuk do jetë një histori pallatesh dhe ne nuk do të bëjmë asnjë zënie të hapësirave të gjelbërta. Do bëhet një park kreativ që Lezha ka nevojë, një petodale me rrugë biznesi me kioska, ku njëra anë do jetë edhe me tavolina jashtë e aksesueshme për banoret që unë mezi e pres atë investim”, u shpreh me tej.

Projekti i Bashkisë së Lezhës për parkingun ende nuk ka gjetur mbështetjen financiare të Qeverisë, por Ndreu siguroi se do ta ndërtojë brenda këtij viti, qoftë dhe me kredi.

“Do ta bëjmë me Qeverise ose me donator ose me kredi. Pra ne si bashki mund të marrin kredi. Duhet theksuar se Lezha i ka rruget e ngushta, pasi kur është dezinju nuk është dezinju për këtë qytet që është sot. Ateherë ne do bëjmë një zgjidhje, pasi ajo që kemi bërë duke hapur sheshin është më pasoja, pasi janë thyer të gjitha mermeret. Unë mendoj se brenda vitit 2025 do ti japim një rrugë çështjes së parkingut nëntokësor, pasi Lezhës i mungon ky investim. Këtu në qender është zonë arkeologjike dhe atje ku ndodhet stadiumi është më e përshtatshme se nuk është arkekologjike”, tha Ndreu.

Ndërsa impianti i ri sportiv për ‘Besëlidhjen’ është projektuar të ndërtohet në periferi të qytetit të Lezhës.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 09:13

    Betohet Trump, a do të ndryshojë politika e SHBA-ve ndaj Shqipërisë?

Lajme të tjera



×

Lajmi i fundit

Inaugurimi Donald Trump/ Familja e presidentit mbërrin në Kishën e Shën Gjonit në Uashington 

Inaugurimi Donald Trump/ Familja e presidentit mbërrin në Kishën e Shën Gjonit në Uashington 

20 Janar, 14:46