Stadiumi “Loro Boriçi” do të
jetë gati për në muajin shkurt

U premtua që do të ishte gati në fillim të muajit tetor për ndeshjen kundër Serbisë, por një udhëzim i UEFA-s, që kërkoi që ndeshja të mos luhej në një stadium të “patestuar” më parë, zhvendosi jo vetëm ndeshjen e Kombëtares drejt Elbasan Arenas, por edhe afatet kohore për përfundimin e punimeve në “Loro Boriçi”.

 
Por tashmë duket se ka një afat zyrtar për përfundimin e këtyre punimeve. Presidenti i Federatës Shqiptare të Futbollit, Armand Duka deklaroi se stadiumi do të jetë gati në fund të muajit shkurt.
 
Duka tha se punimet janë të parametrave të tilla që në fund stadiumit të plotësojë të gjitha kushtet e vendosura nga UEFA dhe FIFA për zhvillimin e takimeve të skuadrës kombëtare.
 
Ritmet e ngadalta të punimeve i ka denoncuar edhe Klubi i Vllaznisë, që përmes një deklarate për mediat të pak javëve më parë u shpreh se mungesa e stadiumit po dëmton financat dhe performancën e ekipit./Top Channel/
 


Redaksia Online
( b.h/Shqiptarja.com )