POP 5

Lajmet më të lexuara të 5 minutave të fundit

Bota

Stafi i OBSH-së "ka abuzuar seksualisht gratë" në RD të Kongos

Stafi i Organizatës Botërore të Shëndetësisë (OBSH), ka qenë në mesin e 83 punëtorëve që kanë abuzuar seksualisht gra dhe vajza, sa kanë qenë duke luftuar shpërthimin e Ebolës në Republikën Demokratike të Kongos, ka thënë një raport

Stafi i OBSH-së

Një punëtor shëndetësor në Republikën Demokratike të Kongos

Stafi i Organizatës Botërore të Shëndetësisë (OBSH), ka qenë në mesin e 83 punëtorëve që kanë abuzuar seksualisht gra dhe vajza, sa kanë qenë duke luftuar shpërthimin e Ebolës në Republikën Demokratike të Kongos, ka thënë një raport.

Abuzimet, të cilat përfshijnë nëntë pretendime për dhunime, janë kryer nga punëtorë kombëtarë dhe ndërkombëtarë në periudhën 2018-2020.

Raporti është përpiluar pasi më shumë se 50 gra lokale kanë raportuar abuzime seksuale.

Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, ka thënë se kjo gjë është e “paarsyetueshme”.

Raporti me 35 faqe është hartuar nga një komision i pavarur, pas kryerjes së hetimeve.

Komisioni, i cili ka intervistuar dhjetëra gra, të cilat kanë thënë se u është ofruar punë në këmbim të marrëdhënieve seksuale, ka gjetur se 21 nga 83 kryesit e këtyre veprave kanë qenë të punësuar nga OBSH-ja.

Gratë lokale gjithashtu dyshohet se janë dehur me pije, "janë zënë në pritë" nëpër spitale, janë detyruar të kryejnë marrëdhënie seksuale dhe dy kanë mbetur shtatzënë.

OBSH-ja ka thënë se do të prishë kontratat e katër personave, të cilët ende janë punëtorë të Organizatës dhe ka premtuar se do të merren masa ndaj tyre.

Duke folur në një konferencë për media, Tedros u ka kërkuar falje viktimave dhe të mbijetuarave.

“Më vjen keq çfarë ju ka ndodhur juve nga njerëzit e OBSH-së, të cilët janë punësuar për t’ju shërbyer dhe mbrojtur juve”.

“Është prioriteti im që kryesit të mos arsyetohen, por të mbahen përgjegjës”.

Më shumë se 2,000 persona kanë vdekur si pasojë e shpërthimit të Ebolës në Republikën Demokratike të Kongos.

OBSH-ja, e cila ka bërë përpjekje globale për ta parandaluar përhapjen, e ka shpallur fundin e Ebolës në qershor të vitit të kaluar./ REL

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

E njohur për ndërhyrjet ekstreme estetike, ndërron jetë ‘gruaja mace’

E njohur për ndërhyrjet ekstreme estetike, ndërron jetë ‘gruaja mace’

2 Janar, 19:40