POP 5

Lajmet më të lexuara të 5 minutave të fundit

Bota

Stafi i Raisit i kërkoi gazetares të vendosë shami, CNN anulon intervistën me presidentin e Iranit

Christiane Amanpour, gazetare e hershme në CNN, ka anuluar një intervistë me presidentin e Iranit, Ebrahim Raisi, pasi ai i ka kërkuar që të vendosë një mbulesë në kokë përgjatë takimit në Nju Jork.

“Ne jemi në Nju Jork, ku nuk ka ligj apo traditë sa u përket mbulesave në kokë”. Më këtë shënim në Twitter, Christiane Amanpour, gazetare e hershme rrjetit televiziv amerikan, CNN, anuloi një intervistë me presidentin e Iranit, Ebrahim Raisi, pasi stafi i tij kërkoi që ajo të vendosë një shami në kokë. Bashë me ekipin ajo u largua nga vendi ku do të mbahej intervista, duke e cilësuar  kushtin “të pashembullt dhe të papritur”. Pas shënimit, ajo postoi një fotografi, pa shami dhe e vetme në dhomën ku do të duhej të mbahej intervista.

Vdekja e një gruaje të re kur u ndalua nga policia e moralit sepse nuk kishte vëndosur shaminë mirë në kokë,  ka nxitur protesta dhe zemërim.

Mahsa Amini, 22-vjeçare, dyshohet se u godit me pajisje të forta, ndonëse policia e ka mohuar.

Protestat që nisen prej një jave janë përhapur në 80 vende të tjera të  Republikës Islamike ndërsa 17 persona janë vrarë. Intervista me Raisin do të ishte e para në tokën amerikane, në kuadër të vizitës së tij në Asamblenë e Përgjithshme të Kombeve të Bashkuara.

D.GJ/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Guardiola kërkon Donnarumman te Manchester City

Guardiola kërkon Donnarumman te Manchester City

22 Korrik, 20:08